پیشەكارەكێ دهۆكێ ئامیرەك داهێنایە
شاكر ئەتروشی:
پیشەكارەكێ دهۆكێ ئامیرەیەك داهێنایە كو كارێ پاقژكرنا رادێتەرێ گەرمكرنا ترۆمبێلێ یە، بێی كو دەشبولێ وێ بهێتە ڤەكرن، هەروەسا نەهێلانا هەلمێ یە و ب گۆتنا وی ئەڤە ئێكەم ئامیرێ ل دهۆكێ دهێتە چێكرن و بەری نوكە ئامیرەیێن ب وی رەنگی وی نەدیتینە.
سەمیر وایرمەن، كو ل پیشەسازیا نزاركێ كاردكەت، د دیدارەكێ دا بۆ رۆژنامەیا ئەڤرۆ گۆت: ئەڤە (30) سالن ئەز كارێ وایرمەنیا ترۆمبێلان دكەم و سوپاس بۆ خودێ كو من شارەزاییەكا باش دڤی بۆرای دا هەیە، لەورا من هزر دوێ چەندێ دا كر كو ئەز ب خوە ئامیرەیەكی ژ هندەك كەرەستەیێن سادە چێكەم و تێچوویێ وێ نێزیكی (300) هزار دیناران بوون و ئەڤە دەمەكێ كێمە من دایە كاری و پتری چال ترۆمبێلان مفا ژێ دیتیە. هەروەسا گۆت: ژبلی ڤی ئامیرەی من دپلانا من دایە هندەك ئامیرەیێن دی چێكەم، لێ ئاشكرانا وان بلا بۆ وی دەمی بیت، هەروەسا پێدڤیە پشتەڤانی ژی بۆ من و هەموو كەسێن داهێنەر هەبیت دا بشێن ئامیرەیێن باشتر و مفاتر چێكەن.
