بۆ من شانازیەكا مەزنە خەلاتی ل وەلاتێ خوە وەربگرم
زنار تۆڤی:
دەرهێنەر (فلیپ جەمال رەشید) د دیدارەكێ دا بۆ رۆژناما ئەڤرۆ گۆت: بابێ من خەلكێ كەركووكێ یە، دایكا من ژی بۆلگاری یە، ئەز ل باژێرێ ئەمستەردام ل هۆلەندا مەزن بوویمە و نوكە ژی ل باژێرێ دۆبەیی دژیم، ب فلمێ دیكیۆمێنتاری (ئیت ئاینت وێر یۆ فرۆم) من پشكداری د گەڕا یازدێ ێ یا فلمە فەستیڤالا دهۆك یا نێڤدەولەتی دا كربوو، ئەڤە جارا ئێكێ یە ئەز پشكداریێ د فلمە فەستیڤالا دهۆكێ دا دكەم و من خەلاتەك ژی وەرگرت، بۆ من شانازیەكا مەزنە ئەز خەلاتی ل وەلاتێ خوە وەربگرم.
ناڤهاتی گۆت: پشتی وەرگرتنا ڤی خەلاتی، من لبەرە ئەز فلمەكێ ل سەر زارۆیەكێ دروست بكەم، كو ئەو زارۆیە ل ئەمستەردام مەزن بوویە، ژ چیرۆكەكا دروست هاتیە وەرگرتن، ئەز دێ بەحسێ ژیانا كوردان تێدا كەم، ل گەل هندێ ژی ئەو زارۆكە ل بایژێرێ ئەمستەردام ل هۆلەندا مەزن بوویە، دیسان من دڤێت ب رێیا سینەمایێ بەحسێ كوردان بكەم.
