بازاڕەكێ گەشتیاری ل كۆڕنیشێ زاخـۆ هاتە ڤەكرن
زاخۆ، دلۆڤان هالۆ:
ب هەلكەفتا هاتنا سەرێ سالا نوو، ئەنجامدانا ئاهەنگێن سەرێ سالێ، ل گۆڕەپانا پرا دەلال و كۆڕنیشێ زاخۆ بازارەكێ ڤەكری یێ گەشتیاری بۆ فرۆتنا خوارن و ڤەخوارنێن گەرم و سروشتی هاتە ڤەكرن.
گەشتوگوزارا زاخۆ دیار كر كو ئەڤ بازاڕە ب هەلكەفتا سەرێ سالا نوو، ب تایبەت بۆ ئاهەنگێن سەرێ سالێ هاتە ڤەكرن، ئەڤ بازاڕە ژ 31 خیڤەتان پێك دهێت، كو د ڤان خیڤەتان دا هەمی جۆرێن خوارن و ڤەخوارنێن سروشتی لێ دهێنە فرۆتن.
گەشتوگوزارا زاخۆ ئاماژە ب وێ چەندێ ژی كر كو ئەڤ بازاڕە ژ بۆ مەرەما وێ چەندێ هاتیە ڤەكرن، داكو ئەو وەلاتی و گەشتیارێن پێدڤی خوارن و ڤەخوارنان دبن، هەر ل هەمان جهـ ب دەست وان بكەڤیت و سەرەدانا جهێن دوور نەكەن، ئەڤ بازاڕە دێ بۆ دەمێ مەهەكێ یێ ڤەكری بیت.
