پارێزگارێ دهۆكێ ترۆمبێلە‌ك پێشكیشی حە‌سە‌ن حە‌فارە‌ی كر
زنار تۆڤی:
وە‌كو رێزگرتن بۆ وەستییان و خزمەتا (حە‌سە‌ن عە‌لی) یێ بە‌رنیاس ب (حە‌سە‌ن حە‌فارە)، دوهی 22/12/2024 ل گۆرستانا نوو یا دهۆكێ ل سەرتەنگێ ل دەڤەرداریا سێمێلێ، د. عە‌لی تە‌تە‌ر، پارێزگارێ دهۆكێ، ب ئامادە‌بوونا چە‌ندین رێڤە‌بە‌رێن پە‌یوە‌ندیدار ترۆمبێلە‌كا نوو ژ جۆرێ تۆیۆتا پیكاب پێشكێشی حە‌سە‌ن حە‌فارە‌یی كر.
پارێزگارێ دهۆكێ د كۆنگرەكێ رۆژنامەڤانی دا ل گۆرستانا سەرتەنگێ، دە‌ستخۆشی ل حە‌سە‌ن حە‌فارە‌یی كر، ل هە‌مبە‌ری ئە‌وێ خزمەتا وی پێشكێشی هە‌موو خەلكێ پارێزگەها دهۆكێ كری و گۆت: «حەسەنی بێی جوداهی خزمەتا هە‌موو خەلكێ دهۆكێ و دە‌وروبە‌ران كرییە، دیسا پشتی گۆرستانا دهۆكێ ژ شاخكێ هاتییە ڤە‌گوهاستن بۆ سەرتەنگێ ل سێمێلێ، مە هە‌ستپێكر، كو هاتنوچوونا حەسەنی دێ ب زە‌حمە‌ت كە‌ڤیت بۆ گۆرستانا نوو، لە‌وما مە ئە‌ڤ ترۆمبێلە پێشكێشی وی كر و ئە‌ڤە ژی تشتە‌كێ زۆر یێ كێمە هە‌مبە‌ری وێ خزمەتا وی كری و هیڤییا ژییە‌كێ دریژ بۆ دخوازین».
هە‌ژی ئاماژە پێ كرنێیە، هەتا نوكە حە‌سە‌ن حە‌فارە‌ی 16 هزار و 248 مری ل گۆرستانا شاخكێ و 106 مری ژی ل گۆرستانا نوو ل سەرتەنگێ ل سێمێلێ ڤە‌شارتینە.
