داخوازێ ژ گەنجان دكەم دەستكاریێ د سترانان دا نەكەن
سندس سالح سلێڤانەیی:
هونەرمەند ( شەهرام شكاكی) د دیدارەكێ دا بۆ رۆژنامەیا ئەڤرۆ گۆت: دژیەكێ بچووكدا من گوهداریا سترانێن هونەرمەند(محەمەد عارفێ جزیری وحەسەن جزیری و شەرۆیێ برۆ و بێمالێ كەكۆ و مرادێ كنێ و مریەم خان و سەعید گاباری) و گەلەك دەنگبێژین دی كر و سترانێن وان كارتێكرن ل من كرن و بوونە ئەگەر دژیێ دەه سالیێ دا سترانان بێژم و دەمێ دەلیڤە هاتی ئەز چووم من پشكا مۆزیكێ ژی خواند.
هەروەسا گۆت: ئەز حەزژ هەموو سترانێن خوە دكەم، ب تایبەت ژی (دایكا دەلال، قۆلنگ، شەڕڤانی) ئەز گەلەك حەزژێ دكەم و سترانێن من تۆماركرین ئەڤینی و شۆڕەشگێری و نەتەوی نە و شیرەتا من بۆ گەنجێن ژنوو دەست ب سترانگۆتنێ دكەن ئەوە دەمێ هوون سترانەكێ دبێژن دەستكاریێ د پەیڤان دا نەكەن و رەسەنایەتیا سترانێ ب پاێزن، بۆ زانین من من نێزیكی (140) سترانان هەنە و ئاوازێن وان هەموویان من داناینە، هەروەسا من (75) سترانێن خوە ب نوتەیا مۆزیكێ ڤە بەرهەڤكرینە و كرینە پەرتووكەك ب ناڤێ (گولدەستەیا ئاوازان).
