د كۆپا كەنداڤی دا ئیراق دێ بەرانبەر بەحرێن و سعۆدیێ یاریێ كەت
پشتی هەلبژارتیێ ئیراقێ پێنگاڤا خوە یا ئێكێ د قارەمانییا كۆپا كەنداڤی یا 26ێ ب سەركەفتیانە هاڤێژیت و ب گۆلەكێ بەرانبەر یەمەنێ هیڤیێن خوە بۆ قۆناغا دویێ گەشكرین، چاڤەڕێ یە دو یاریێن دی ژ چارچووڤەیێ كۆما دویێ یا قارەمانیێ بڤی شێوەیی ئەنجامبدەت.
سوبەهی ل دەمژمێر 8:30 شەڤ ، یارییا دویێ دێ بەرانبەر هەلبژارتیێ بەحرینێ بیت
ل شەمبییا بهێت ڕێكەفتی 28ێ ڤێ مەهێ ل دەمژمێر 5:30 مەغرب بەرانبەر هەلبژارتیێ سعۆدیێ كەت، بۆ زانین د یارییا ئێكێ دا بەحرێنێ 3-2 سەركەفتن ل سەر سعۆدیێ ئینابوو.
بۆ زانین ڕاهێنەرێ هەلبژارتیێ ئیراقێ یێ ئسپانی خیسۆس كاساس پێكهاتیێ تیما خوە بۆ یارییا كۆپا كەنداڤی ڕاگەهاند بوو ئەوا د ناڤا یاریزانێن داخواز كری بۆ كۆپا كەنداڤی پێنج یاریزانێن كوردستانی نە ئەو ژی رێبین سۆلاقا، محەمەد حەسەن، ئەحمەد یاسین، ماركۆ فەرەج و یۆسف ئەمین، ژلایەكێ دووڤە هەر ئێك ژ یاریزانێ یانەیا زاخۆ ئەمجەد عتوان و پیتەر گۆرگیس یاریزانێ یانەیا دهۆك ژی هاتینە داخواز كرن بۆ ناڤ پێكهاتیێ تیما ئیراق.
