سیپه‌ل عیسا: هۆلێن وه‌رزشی مفا گه‌هاندییه ئافره‌تێن وه‌رزشڤان
پەروین سەلاح:
د دیداره‌كا كورت دا سیپه ل عیسا ئه‌مین راهێنه‌را له‌شسڤكیێ یا ئافره‌تان بۆ رۆژناما ئەڤرۆ دیار کر ئافره‌ت هێدی یا خه‌مێ ژ وه‌رزشێ و ته‌ندرۆسیا خوه د خۆت و هۆلێن وه‌رزشی مفایه‌كێ دگه‌ینت ژبۆ ئه‌نجامدانا وه‌رزشا خوه.
زێده‌تر ناڤهاتی گۆت: هه‌ر چه‌نده د سالێن بۆری دا رێژه‌یا پشكدارێن ئافرەت د هۆلێن وەرزشی دا گه‌له‌كا کێم بوو، لێ پشتی پێشکەڤتنا تەکنۆلجیایێ و دیار کرنا مفایێن وەرزشێ ل سەر ژیانا رۆژانه و ساخله‌مییا چه‌سته‌یی پتر ئافرەتان قەستا هۆلێن وەرزشی دکەن وخەم ژ بارێ خوه یێ تەندروستی دخوون بەلکو هندەک ئافرەت فێربووینە کو وەرزش بیتە بەشەکێ سەرەکی ژ ژیانا وان یا روژانه.
سیپەل عیسا ئه‌و چه‌نده ژی گوت: ژ لایێ فیزیکی ڤە وەرزش و راهێنانێن رێك و پێك تەندروستیا دل ودەماران باشتر لێ دکەت و پەستانا خوینێ رێک دئێخیت، چریا هەستی زێدە دکەت و قەبارێ ماسۆلکا د پارێزیت، وەرزش ب شێوەیەکێ گشتی فشارا دەرونی کێم کەت و بارێ دەرونی باشتر لێکەت و رازی بوون ژ ژیانێ ب شێوەیەکی گشتی دهێته دیتن، هەر دیسان دەربارەی مفایێن وەرزشی بو ئافرەتێ ئاماژەکر كو زێدەکرنا باوەری ب خوه بوونێ ل دەڤ ئافرەتێ هەروەسا ئافرەتێ پارێزیت ژ گەلەک نەخوشێن گران وەک پێتیبوونا هەستی و شێرپەنجا سینگی ومندالدانێ، پاراستنا ئافرەتێ ژ ئاریشا قەلەوی وکێشا زێدە.
ژلایه‌كێ دووڤه ناڤهاتی گۆت: وەرزش هندەک ماده‌یێن کیمیایی د مێشکی دا دەرکەت ئەو ماددە هەستێ خوه‌شیێ و ئارامیا دەرونی دەتە ئافرەتێ، وەرزش هاریکاریا هاندان و باشتر کارکرنا سورینا خوینێ کەت د لەشێ ئافرەتێ دا و دیڤدا وەرزش رۆلەکێ سەرەکی هەیە بۆ پاراستنا ئافرەتێ ژ کێشێن پیستی وپیربونا پێشوەخت.
لدووماهیێ راهێنه‌را ئافره‌تان گۆت: ده‌ما ئافره‌ته‌ك دهێته هۆلێ چ بۆ ساخله‌مییا خوه یان ژ بۆ چالاكییه‌كا وه‌رزشی یان هه‌ر پێنگاڤه‌كا دی، دێ ل دووڤ كورس و به‌رنامه‌كێ تایبه‌ت بۆ هێته دانان، له‌وما ژی داخازییا مه بۆ هه‌ر ئافرەته‌كا د هێته هولێن وەرزشی دا لدووڤ رێنمایێن راهێنه‌را خوه بچن دا کو بگەهنە ئارمانجا خه‌و ژ دەڤ خوه راهێنانا نەکەن داکو ژیانا خوه نە ئێخنە مەترسیێ دا و مفای ژ وێ وەرزشێ وەربگرن نە کو ببیتە جهێ نەخوشی وتێکچونا تەندروستیێ.
