ل دووڤ داخوازا هەڤژینێ خوە سترانەك كلیپكر
عەزیز هەورامی:
سترانبێژ (رۆبار رەشید كاكەیی) كو خەلكا پارێزگەها كەركووكێ یە، د دیدارەكێ دا بۆ رۆژنامەیا ئەڤرۆ گۆت: ژبەركو هونەر بگشتی و ستران ب تایبەتی پەیامەكا تایبەت دگەهینیت، لەورا ئەز خوە گەلەك ماندی دكەم هەتا سترانەكێ یان كلیپەكێ چێكەم، چنكو ئەو كەسێن گوهداریا سترانێن من دكەن من دڤێت درازی بن و بزانن من تشتەكێ باش یێ پێشكێشی وانكری، ئەو ژی گەهاندنا پەیام و ئاریشەیێن كاكاییانە ب رێیا سترانگۆتنێ و ئەز شیایمە دەنگێ وان بگەهینمە دەرڤەی وەلاتی و سەرفەرازم وەكو سترانبێژەكا كاكەیی شیام خزمەتەكا بچووك پێشكێشی هونەرێ كوردی بكەم و دێ یا بەردەوامبم.
هەروەسا گۆت: ئەز سترانان ب گەلەك زمانان دبێژم، ژوانا (كوردی، عەرەبی، سریانی، كەلهۆری، توركمانی) و بۆ هەموو كارێن من هەڤژینێ من پشتەڤانێ سەرەكی یە و هەتا نوكە من (13) ستران تۆماركرینە و (10) ژوان هاتینە كلیپكرن و نوكە مژوولی سترانەكا نوومە ب ناڤێ (یار) و ل دووف داخوازا هەڤژینێ خوە من سترانەكا ئەڤینی كلیپكر.
