چالاكیێن قوتابخانەیان دێ دو پێشانگەهێن شێوەكاری ڤەكەت و سیدیەكی ژی بەلاڤكەت
هەرهین محەمەد:
بێوار عەلی بداخ، ڕێڤەبەرێ چالاكیێن قوتابخانەیان ل پارێزگەها دهۆكێ، د دیدارەكێ دا بۆ ڕۆژنامەیا ئەڤرۆ گۆت: د ئەڤ سالەدا مە گەلەك بزاڤ و چالاكی هەنە وەك ڤەكرنا پێشانگەهەكا شێوەكاری بۆ قوتابیێن بەهرەمەند یێن قوناغا ئامادەیی و نێزیكی سەد قوتابیێن كچ و كوڕ ل سەرانسەری پارێزگەها دهۆكێ دێ پشكداربن، هەروەسا بەرهەڤیێن پێشانگەها شێوەكاری یا مامۆستایان ژی دكەین و ل نێزیك دێ سیدیەكێ سرودێن نشتیمانی یێن زارۆكان ل سەر قوتابخانەیان بەلاڤکەین.
بێواری گۆت: هەر مامۆستایەكی ستایلەكێ جودا هەیە و د ئەڤان پێشانگەهاندا هەموو ئێك و دو دبین و ستایلێن ئێك دبینن و مفای ژ هزرو بیرو بۆچوونێن خوە وەردگرن و پێش دەم ئەم هەموو پێدڤیان دكڕین و د دەینە مامۆستایێن پشكدار ئەو ب حەزا خوە كەڤالی دروستكەت و نە بتنێ گرنگیێ ددەینە هونەرێ شێوەكاری بەلكو ددەینە مۆزیك و شان‌ویێ ژی بۆ نموونە مە نوكە شانۆیا گەڕۆك هەیە و دێ چەندین قوتابخانە و باخچەیێن زاڕۆكان ب خوە ڤە گریت و د ئەڤ سالە دا مە پتر گرنگی ل سەر ژینگەهێ كریە و هەكە هاریكاریا مادی بۆ مە بهێنەكرن دێ پتر چالاكی هەبن و گەلەك هزرێن نوو د سەرێ مەدا هەنە ل سەر كار بكەین زاڕۆك مفای ژی بینن و پشكێن خوە یێن چالاكییان پتر ئەكتیڤ بكەین.
