د ئێشانێ دا مە ژڤانەك ب حەلالی هەبوو
هەژار قەردەشا
دەما بوویمە بووك
دەرگەهێن مالا بابۆی ل من هاتن گرتن، مینا
ئادەم و حەوایێ، كا چەوا ژ بەهشتی هاتنە دەرێخستن.. و
بەختەوەری د تۆنا خوە دا بوو پەل
جهێ من دجلا دا نەدكر و ئاخینك بوونە رەنگ
زەحف هاتمە دوراندن
دەڤ ئاخڤتن
هەڤۆك دگوها دا بوونە ژەهر
ب هزار نێڕینا بوومە راوستییانەك.. و
كەرب ب ددانا ڤە هاتنە چراندن
بوومە نانەكێ پێتی
هەموو هەست تاما كەسەرێ ددان.. و
ئەز و ڤالاتی تێكەلی هەڤبوون
پاتێ سۆر بێ بەختی لێ هاتە كرن.
بێ خوەدی مام
بێزاری ژ تەوافا من نەچوو
دەنگ تژی برین بوو.. و ما
چ ژ گونەها دزانم
ژ ئەڤرۆ – دوهی بێدەنگی زۆر كەتن
یا من مای بتنێ هزرن دگەل پەنجەرەیەكا تراژیدی
ئەڤە نەمڕۆڤن! ژ مڕۆڤا خرابترن..
بێ هەوە مەزن بووم
بار ژمێژە ژملێن من گرانترن
دچاڤێن هەوە دا هێشتا زارۆكەك نەخوەشم
سال لبەر دەرولڤێن سالا
ژ كیژان مڕۆڤا ببۆرم
حال لاپەرەك زێدەیە
ئەڤەیە چیروكا من، ب بیست و هەشت پیتا ناهێت گۆتن.
