دەیكا من
هێلین سالم
دەیكا من تو گولا بهارێ
هەیڤا شەڤا و شەوقا سەحارێ
تو دلۆڤانی و میهرەبانی
كانیا عشق و ڤین و هەدارێ
دەستێ تە یێ نەرم و دلۆڤان
بۆ هەمی برینا ئەو دەرمان
دێمێ تە ژ نۆرا پیرۆزە
ئاڤا ژیانێ، رح و گیان
چاڤێن تە نێ رۆندك تێدا بوون
دەما ئەز نەخۆش و وەستیام
تو دگەل من ب شەڤ و رۆژان
هەتا ساخ بووم و رابووم پێیان
ئەو چاڤێن تە یێن گەش و گەرم
دلێ من یێ ماندی گەش دكەن
دەنگێ تە یێ نازك و شرین
گران خەما ل من سڤك دكەن
ئەز نزانم چ بێژم بۆ تە
ژ خزمەتا تە یا بێ سنوور
هەر تشتەكێ ئەز بكەم بۆ تە
كێمە ل بەر خزمەتا تە یا زۆر
خودێ تە هەر بۆ مە بهێلیت
هەر دەم یا ساخ و سەلامەت بی
تاجا سەرێ زارۆكێن خوەی
دەیكا دلۆڤان، تو هەر هەبی
هەر تشتێ من هەی ژ تەیە
هەر تشتێ من زانی ژ تەیە
خودێ تە هەر بهێلیت بۆ من
چونكی ژیانا من ب تەیە.
