كالم
سەلاح سندی
كالێ تنــــێ پیـــر ل دنـــــێ
ڤێت هەر بژیت دویر ژ مرنـێ
كالم دنالم ب خەم و ژانـــم
كا قـــەدرێ خەلكێ جیهـانـێ
مـام تنـێ بوونـــــەكا پیـــــــر
ل ناڤ لەپێن ئێشا ئێخســــیر
هەمی كەسێن بەرژەوەند خواز
ئەڤرۆ خوە ژ من كرنە دویــــــر
كا ئـــەو پرچــــا جان و رەش
نەما ئــەو دێمێ گەلـەك گـەش
ئەو بەژنا هندە شۆخ وشـەنگ
ناهێت ئەو دەنگێ بەرێ خوەش
پیــــریێ نەهێــلا ئــەو هێــــز
بەرێ ئەز بووم كەسك بەرێــز
ناڤ تبــــلا گرتبـــــوو پێنڤێس
بۆ ئیمـــــزایێ ببوونــــە رێـــــز
ئەز بووم كەســك ژێهــــــــاتــی
خودان مــال و داهـــــــــاتـی
هەبوون گەلەك دوست و هـەڤال
رۆژ چوو ئاڤـــا نە هـــــــەلاتی.
