گـازییا مە

عه‌بدوللا بادی

هەیهۆ مامۆ..
عەورە عەورە،
سەر بڕینە، گرنژینە
ئێشن برینن.. نالینە
سەرهلدانە.. ڤەبریانە
هۆڕە.. باهۆزە.. بارانە..!!
یێ دبێژن هەیڤ
ڕژیا و کەفت
ئەڤ چ هەیڤە
نە گرنژینە و نە پەیڤە..
هەمی ستێرێت مە ڕژاندن
هەمی هیڤی یێت مە خاپاندن
هەمی سەرێت ب هش نڤاندن
هەمی دلێت ژار لڤاندن..!!
ئووو…. نە پەیڤی..!!
ل عەسمانێ ساهی
بریسییا گوڤەند گێرا و..،
دلێت شێرا
پەرچقاندن..
تاڤە رۆندك
ژ چاڤێت زەلال
ڤە باراندن..
ئوو نە پەیڤی..!!
لبەر دەرێ مە خەمە، خەمە
مژە.. مۆرانە ئو تەمە
مە نە دزانی رۆژەکێ،
دێ ئەڤە بیتن
هەیڤ دێ رۆناهیێ
ژ مە بڕیتن
لێ سۆز بیتن
یان کەهی کەم
یان ژی جانێ خو گۆری کەم..
دێ گۆری کەم..!!

کۆمێنتا تە