پێنج كورتە هەلبەست
رەمەزان ئیسماعیل گەرەگوهی
– ١ –
وەی بابۆ وەی!
وەی بابۆ وەی!
تە پڕچەكا چەوا یا هەی!
پێدڤی نابیت
شەكرنێ و شەی
بێی بەربسكا، تو پێڤەكەی
تە كیڤە بڤێت، دێ وێڤەبەی
چەندا جوانە!
بهێلە وەسا، بسەرێ خوەكەی.
– ٢ –
كـەنی – گـری
ئەڤرۆ سپێدێ..
من ل دەسپێكێ
كرە كەنی پاشی گری
ژبەر دیمەنێ
وی زارۆكێ
ژ بن دیوارا قورتال كری
پاشی مری.
ـ ٣ –
ئەڤە چەندە!
ئەڤە چەندە..
ئەز گەلەك باش
هەست پێ دكەم
وەریسكێ هیڤییێن من و تە
یێ سست و كورت و زراڤ بووی
گەمیا گەشتێن
ڕۆژانێن خوەش
د ناڤ پێلێن دەریایێ دا
یا تژی ئاڤ و شلقاڤ بووی.
– ٤ –
دادوەر
وی دادوەری
ب باوەری
ب زانین و هزرڤانی
ب شەهرەزایی و جوانی
حنێرێن خوە
هەمی نیشا وی خەلكی دان
دادگەه هەمی
كرە بڕیار و دانپێدان
ژ بەر ڕۆلێ وی
هەمیا پێكڤە دەست بۆ قوتان.
– ٥ –
من باوەرە
من باوەرە..
چەوا ستیا زین مەم ڤیا و
چەوا خەجۆكا سلیڤی
ژ بەر ئەشقێ كەتە چیا
هەردو مینا قارەمانا
بوونە خودانێن داستانا
مسۆگەرە..
تو ژی دێ شێی
د گەل من هێی
تو ژی وەسا
دێ حەز ژ من كەی
بیە هێمایەكا ئەشقێ
ل چاخەكێ دی، بۆ نڤشێ نوی.
