ڕەزڤانۆ
خورشید ئەحمەد
هۆ ڕەزڤانو خودێ قەوەتێ
ڕەزێ پڕ بیت ژ بەرەكەتێ
ئاخا ڕەزێ تە زیڤ و زێرە
دڤێت تو ڤێڕا بەی زەحمەتێ
…. …. ….
عەردێ بەیار بوو تە ئینا دەر
ئەی ڕەزڤانێ زیرەك و كاركەر
تە كرە نزبەكێ رێك و پێك
بوونە مێورەش مێو و تریێ زەر
… … …
تو ڕەزڤانی و یێ رێنجبەری
نزبێ تە دانایی هاتە بەری
ڤێجا لاو بكۆلە و بكەزێخە
دو كوڕكا و ماكێ بێخە سەری
… …. ….
كێزمێن كێراتێ لاو بچكلینە
ماكا مێوێ جان تێ ب ئالینە
مێوا ناڤ گوهكە و ئادەكە
ب حاتۆرەی ڕەزێ خۆ ب شەقینە
… …. ….
ڕەزێ خۆ ب شەقینە ب حاتۆرەی
گومتلا ب هەرشینە و هویر كەی
دێ روبسەكا باش تێ مینیتن
دێ بەرهەمەكێ جان ژێ ڤەكەی
… …. ….
بەرا ڤەوشێره و بكە كەلەك
شیرها ژی دانە و بكە گەلەك
رێنجبەریا خۆ بكە وەك جاران
گوهـ نەدە دنیا چەرخ و فەلەك
