پاییز
ڕێژین حكمەت
ل گەل وەریانا بەلگان
ل تە دگەڕیام
دەنگێ هەوایی
ئەز برمە ئەسمانان
من ستێرەكا گەش دیت
شەوقا وێ
لێدانێن دلێ من زێدەكرن
هەر چار وەرز كرنە بهار
هەمی گول بوونە ئەز
پەرتووكا بیرهاتنان دەست ب نڤێسینێ كر..
نزانم چ بنڤێسم
پەیڤان چ رامان نینن
چەند بالكێشە قەدەرا مە
چەند بێژن دوماهیكە
ڕۆناهییەك ل ئەسمانێ مە دهەلیت
بتنێ ئەز و تو د وێ ڕۆناهیێ دگەهن..
چەند پاییزەك جوانە
چەند ژینەكا خۆشە
چەند ڤیانەكا ب ڕامانە
ل ناڤ باخچێ دلێن مە د ڕونشتینە
كەس وەكی مە نەدیتییە و نابینە
چونكی هەر دەما دەستێن مە تێك دا
چاڤێن مە ب ئێك دكەتن
ئاوازێن بلبلان دڤەهاندن
ب ئەشقا مە دژیان
بیرا تەدهێت
من و تە
چەند حەز ژ پاییزێ دكر
چونكی بەلگان وێنەیێ مە دروستكر.
