ئەی هەلەبجەئەی هەلەبجە

سەیفوللا محەمەد

ئەی حەلەبچە
دەما ناڤێ تە دخوینم یان دبهیسم
ژ گۆڕستانەك پڕ مەزن
پێنج هزار دەنگ دئێن گوهێن من
ب دەنگەكی تیژ و دژوار
دكن قێڕی دكن هاوار
شازدەی ئادار
ڕۆژەكا ڕەش .. شینی و زێمار
دئێت بیرا من.

دەما ناڤێ تە د خوینم یان دبهیسم
چەكێن قەدەغەكری
گولەیێن كێمیاوی
تیزاب.. سیانید و خەردەل
كارەساتێن
هێروشیما و ناكازاكی
دهێن هزرا من.

دەما ناڤێ تە د خوینم یان دبهیسم
ڕژێمێن فاشیست و خوینمێژ
ڕژێمێن نازی و هێتلەری
ستەم و كەدخوەری
كوشتن.. سوتن
تالانكرن.. كاڤلكرن
دەربەدەری و ئاوارەیی
دهێن بیرا من.

دەما ناڤێ تە دخوینم یان دبهیسم
ڕژێمێن داگیركەر
هۆڤێن دڕندە و ستەمكەر
بێوژدانێن خوەپەرست و
ژ هەمی ساخلەتێن مروڤاتییێ
دور و ڤەدەر
دهێن بیرا من.

لێ حەلەبچەیا من
د بێژم و دێ بێژم هەر
تو سمبولا قوربانیێیی
چەڤەنگا ئازادیێیی
تە گەش كرن ل مە هیڤی
بهێزتر كرن بیرو باوەر
سوزێ ددەین نە ڕاوەستین
نە بەردین سەنگەر و چەپەر
تا ڕزگاركین كوردستانێ
دژمنێ هوڤ
لهەر چوار پارچا
بكەینە دەر
بكەینە دەر.
1991/3/16 كەمپا دیاربەكر

کۆمێنتا تە