سترانا مشكی
ئیبراهیم مەحمود
مشكی سترانەك دگۆت و ل داویا هەر كۆپلەیەكا سترانا خۆ سەربەندەك دوبارە دكر و دگۆت،
ئەگەر ب تنێ ژ پشیك و ماری قورتالكربامە، دا وێ كەم یا كەسێ نەكری، ئەڤێ كۆپلەیا دووماهیێ دەنگڤەدا.
پشتی پاشایێ دەڤەرێ گوه ل سترانا مشكی بووی، دەملدەست فەرمانەك دەركر، كو پشیك و ماری ژناڤببەن.!
پشتی دەمەكێ كێم ژ ژناڤبرنا پشیك و ماری، مشك هند زێدەبوون، خانی و جادە، بیستان و خوارنگەهـ ژێ تژیبوون، ئەوان تشتەك نەهێلا، هەكە نەلەقدابان ژی هەما تێكددان، ژبەر زۆربوون و زێدەبوونا مشكان بیستان رویتبوون، خوارنگەهـ ژ بكڕان ڤالابوون.
وەلات بێزاربوو و مشكان ژی چ نەما بخۆن، ئینا دەست ب خوارنا ئێكدو كرن هەتا خۆ ژناڤبرین.
هەنگ و مێش
مێشەكێ، هەنگەك دیت، كو یا ب بزاڤ و هاتن و چوونە، لڤینێن وێ نە ب دلێ وێ بوون.
مێشێ بدەنگەكێ بۆڕ گۆتێ: هنگێ تو ب چ ژ من جێوازی، هەچكو تو كەسێ ل پێشچاڤێن خۆ نابینی؟
هەنگێ بەرسڤ وێ دا و گۆت: جوداهیا د ناڤبەرا من و تەدا ئەوە، تشتێ ئەز دادەمە سەر و دەستبكەمێ، خەلك حەز ژێ دكەت و بێهن دكەتێ، د دەمەكی دا هەر تشتەكێ تو دادەیە سەر و دەست بكەیێ، خەلك ژێ درەڤت و پاشڤە دچت و نەشێت بێهن بكەتێ.
