یانەیا وەرزشی یا دهۆكێ د 100 خۆلەكان دا شۆرەشەك پەرپاكر
بەهزاد بەهرام
بێ دودلی وەرزش د سەردەمێ نوكە دا و ل جیهانگێریا ئەڤرۆ دا وەك بنەمایەكێ گرنگ و زێندی ژبۆی دانەنیاسینا گەل و وەلاتان دهێتە هژمارتن، هەروەسا ئەگەر تێگەهێ پەیڤا وەرزش ب شێوەیەكێ گشتی وەربگرین نە بتنێ رەهەندەكێ هێز و دەرێخستنا كارامەیی شیانان یان سەركەفتن و سەرنەكەفتتنێ بخوەڤە دگریت، بەلكۆ فرەرەهەندە میناكێ رەهەندێن (پەروەردەیی، ساخلەمی، ئابۆری، سیاسی، مێژوویی، دروستكرنا پەیوەندیێن دیبلۆماسی، جڤاكی و هەستێن روحانی..هتد)، بخوەڤە دگریت و كاریگەریا ئەرێنی و راستەوخۆ ل سەر هەمی تەخێن جڤاكی دكەت و بهایێ خوە هەیە. پشتی یانەیا وەرزشیا دهۆكێ شیای دەربازی خولا جاما وەلاتێن كەنداڤی ببیت، هەمی هێز و شیان مەزاختن بێ و هەست ب ماندیبوونێ بكەن ژبۆی بدەستڤەئینانا ڤی ناسناڤێ مێژوویی و پڕ بها، ب شانازیڤە ل ئێڤاریا رۆژا سێشەمبی رێكەفتی 15/ 4 / 2025 ل یاریگەها وەرزشیا باژێرێ دهۆكێ ژبۆی یاریا دوماهیێ ژ خولا جاما وەلاتین كەنداڤی پێشوازیا یانەیا قادسیە یا كویتی كر ب روحەكا وەرزشیا كوردپەروەرانە، شییا سەركەفتنێ بدەستخوەڤە بینیت ب دو گۆلێن زێرین بەرامبەر گۆلەكێ بۆ یانەیا قادسییە0 ئەم دشێن ڤێ سەركەفتنێ و ڤی ناسناڤێ میژوویی و پر بها بدەینە پال پشتەڤانیا بەرێز سەرۆك(مسعود بارزانی)، هەروەسا بەرێز (مسرۆر بارزانی) سەروكێ حوكمەتا هەرێما كوردستانێ و ئامادەبوونا جەنابێ وی ل یاریگەها وەرزشیا دهۆكێ و د ناڤ پشتەڤان و جەماوەرێ كوردستانێ ب گشتی و باژێرێ دهۆكێ ب تایبەتی، هەروەسان پشتەڤانیا پارێزگەهێ دهۆكێ و بەرپرسێن ئیداری و حزبی و سەربازی، هەمی وەرزشدۆستان بەرز و بلند دهێتە نرخاندن، گومان تێدا نینە پشتەڤانیا خەلكێ كوردستانێ ب هەمی تەخ و چینڤە ب گشتی و جەماوەرێ باژێرێ دهۆكا وەرزشدۆست گەهشتە ئاستەكێ بالا و بلند، ب ڤێ چەندێ مۆرالەكا بهێز ب دەستەیا كارگێریا یانەیا وەرزشیا دهۆكێ و هەمی یاریزانان هاتە بەخشین، لەورا ئەنجام هەر سەركەفتن دیار بوو. ئەڤ سەركەفتن و ناسناڤێ مێژوویی ل هەمی خەلكێ كوردستانێ و كوردستانیان پیرۆز بیت و بەرەف سەركەفتن و ناسناڤێن مەزنتر و بلندتر و پر بهاتر.
