مامۆستایێن مە نەشیان ل گەل مە بهێن، چونكی مامۆستا بوون و ب چەك و ڕەخت ڤە پێشمەرگە بوون
دیدار: رەمەزان دەشتمری / زاخۆ
2 – 5
ل گوندێ مە مامێ من سالح پاسی ول گەل دەه كەسین دی بینە پارتی ول گونگی منینێ حەمێ سادق و عەبدوللا ئیسماعیل یێ ناسیار ب عەبدوللا تركان ل گەل چەند كەسا ژ گوندیا هاتنە رێكخستن و ل گوندێ بانكا ژوری خودێ ژێ ڕازی شەهید محەمەد غازی و بابی وی رەحمەتی حەجی غازی و فەرماندە محەمەد میرزا وچەند كەسین دی هاتن ڕیكخستن ول گوندێ بانكا ژیری یەحیا گێندەل و عەبدولڕەحمن شاهین ول گەل هندەك گوندین وان – ل گوندێ باندرو قاسم حامدو تەمەر حامد و ل گوندی ئەڤلهێ هەسن سلێمان و ئیسماعیل مەحمود هاتن رێكخستن و ل گوندێ پیربلا محەمەد ئوسێ و ئەحمەد یوسف وجانگیرسلێمان. من گوتێ ماموستا پشتڕاستبە ئەزچ جاران ئەڤێ نهێنیێ ئاشكرا ناكەم. ئەڤەو رێكخستنا نهینی پارتی دیموكراتی كوردستان ل گوندێن دەڤەرا مە دەستپیكرو بڤی شێوەی. ل گوندێ مە مامی من سالح پاسی ول گەل دەه كەسین دی بینە پارتی ول گونگی منینێ حەمی سادق و عەبدوللا ئیسماعیل یێ ناسیار ب عەبدوللا تركان ل گەل چەند كەسا ژ گوندیا هاتنە رێكخستن و ل گوندێ بانكا ژوری خودێ ژێ ڕازی شەهید محەمەد غازی و بابی وی رەحمەتی حەجی غازی و فەرماندە محەمەد میرزا وچەند كەسین دی هاتن ڕیكخستن ول گوندێ بانكا ژیری یەحیا گیندل و عبالرحمن شاهین ولگەل هندەك گوندین وان – ل گوندێ باندرو قاسم حامدو تەمەر حامد و ل گوندێ ئەڤلهێ هەسن سلێمان و ئیسماعیل مەحمود هاتن رێكخستن و ل گوندێ پیربلا محەمەد ئوسێ و ئەحمەد یوسف وجانگیرسلیمان هاتن ڕێكخستن وژمارەكا گوندیان. بەلی بەری حكومەتا ئیراقێ دەست ب ڕاكرن و ڤەگوهاستنا خەلكێ ئەوان گوندابكەت ئەخباری هات كرن ومامی من سالح باس و تەمەر حامدو حامد نعمت ل رێككەفتی 26/6/ 1976 هاتنە گرتن ب دەستی رژیمی وئیكسەر برن مەنزوم شیمالی ل كەركوكی و پشتی سال و نیڤا ژ ئەشكەنجەو لێدانی تەحویلی مەحكەما عەسكەری كرن ل بەغدا و هەر ئیك پینج سال و هەیڤەكی زیندانی كرن، ل گرتی خانا ئەبوغرێب پشتی مامی من هات گرتن هەڤالین داخلی تەنزیمی ژ خوە ترسیان و رەڤین قەستا سەر سنورا كرن ودەربازی كوردستانا باكوربین ب مەرەما پیشمەرگاتیی وچوونا دناڤ شۆڕەشی دا ژوانا ژواناحمید سادق ژگوندی منینی و فەرماندە محمد میرزا -شەهید احمدمیرزا – ردوان میرزا و غازی سعدی وكوری وی شەهید محمد غازی وسیفدین حجی قوتاس وعبدوللا جبێ وكوری وی سعید عبدوللا ژگوندێ بانكا ژوری وعەبدولڕەحمان شاهین و برازایت خوە ژ گوندی بانكا ژیری و فەرماندە عەلی قادو- رەشید تەتەرو یوسف حسن و رەحمەتی خدر بوزەو برازای وی شەهید سەعید شەهباز و رەحمەتی حەجی چولی ومحمد عمرو خورشید نەعمان وعەباس نەعمان و قادر یاسین ژگوندی مە چەم كویركی و قاسم حامدو كوری وی شەهید سالح قاسم ژگوندی باندرو هەروەسا ئیسماعیل محمود هندەك مروڤین وی ژگوندێ ئەڤلهی هەمی چوون ناڤ شۆڕەشی ول 12/7/ 1976 گوندین مە كەفتنە بەر لێشما ڤەگوهاستن ب كوتەكی هەمی وسۆتن و چول و ویرانكرن و ئەم ڤەگوهاستین و بلاڤەكرین، ل سەر گوندێن دەڤەرا سندیاو گولیا ل بن جادا گشتی زاخو باتیفا ژهنگی و هەتا نوكە ئەم یی ل دەركاری دژین و ل دەركاری من بەردەوامی ب خواندنا خوە دا و سی سالا ئەز ژ دەركاری ب پیا چوم بیرسڤی هەتا من قوناغا ناڤنجی تەمام كر. هەروەسا قوناغا ئامادەیی ل زاخۆ ل قوتابخانا بەدرخان ب زمانێ كوردی تەمامكر و هەرسی سالا ئەز ژدەركاری دچووم زاخۆ. پشتی ئەز ل ئەزمونێن گشتی ئانكو ل ویزاری دەرچویم ئەز ل زانكویا باژێڕێ مۆیسل ل بەشی زمانێ كوردی هاتم وەرگرتن. هەروەسا دەمێ ئەز ل قوتابخانی مە كارێ ڕێكخستنتا نهێنی دناڤ قوتایبان دا دكر، و پۆستە و بەلاڤوكێن پارتی دیموكراتی كوردستان مە دخواندن و بەلافەدكرن. ئەڤەو ل وی سالی شەری ئیراقی و ئیرانی دەستپیكر و هەشت سالا ڤەكێشا ورژیمی بكوتەكی خەلك راپیچی ڤی شەرێ ویرانكەر كر، و سیخورو رەشەكین رژیمی وەكی گورگا بەربین روح وگیانی خەلكی و كوشتن و كرتن زیندانی كرن و سیدارە ببون كارەكی ئاسایی ل دەف بەعسیا وب تایبەتی بەرامبەر كەس وكارین پێشمەرگا وكەسیێن دلسوز و كورد پەروەر. ژبەر هندی من بڕیاردا دوماهی ب خواندنا خوە بینم و قەستا ناڤ شۆڕەشی بكەم. ئەوبی هەرل وی سالی ئەز و هەڤالێ خۆە عەمەر ئەحمەد كەرنەیی چوین بۆ ناڤ شۆڕەشێ. ل دەستپیكی ئەم شەڤ چون گوندێ خەندەكێ یا سەر ب ناحیا باتیفا مالا مامێ من سیڤو سیڤو مە گوتێ مام ئەم دێ چین بۆ ناڤ شۆڕەشێ و بینە پێشمەرگە وهاریكاریا مە بكە، ومە بگەهینە پیشمەرگەی. ئەم بۆ ماوێ دوو ڕۆژان ل مالا مامی من ل گوندێ خەندەكێ ماین چ پیشمەرگە مە نەدیتن هاتن و چوون نەبی. لەورا مە جابا خالێ من عەمەر حسین هنارت مالاوی ل باتیفا بی خالێ من ب شەڤ هات و ئەم هەردوو وی شەڤی ژ گوندێ خەندەكێ برین بۆ گوندێ گری و خیزاڤا و ل تەنگا بانكێ دەرباز كرین، و هەتا گەهاندین گوندێ منینێ. خالێ من عەمەر حسێن هەر وی شەڤی زڤری گوندێ خەندەكی وسپێدی زوی چوو مال ژ ترسا حوكمەتێ و ئەم ژی سحارێ برێكەتین بۆ گوندێ كەشانێ وگەلیێ حەفتەنینی و دەمی ئەم گەهشتن سیارا خاریفكا ل هنداڤ گوندی كەشانێ دونیا زەلال بوو، و ڕۆژ ل مە هەلات و ئەم بۆ گوندێ كەشانێ چوین. ئەم گەهشتن شكەفتین كوروی مە رەحمەتی خدر بوزە مالا عەجەمێ دگەل دوو پێشمەرگا دیتن و مە سلاڤی وان كرو پسیار ژمە كرن ومە خوە پێدا نیاسین، ومە گوتی رێكێ نیشا مە بدە ئەوی گوت هین هاتنە ببن پیشمەرگە مە گوتی بەلێ، گوت مامو ئەڤێ ڕێكێ بەرنەدن هەتا دگەهن ئالیشكی وپاشی بو لای راستێ كانیا ئاسوسێ هەتا دگەهن دارا مەلای خالەكا پیشمەرگەی یا لوێرێ ئەو دێ ڕێكێ نیشا وەدن و دی وە فرێكن بارەگای لیژنا ناوچا زاخۆ.
ئەز وهەڤالێ خۆە عەمەر ئەحمەد كەرنەیی چوین هەتا ئەم گەهشتن سەری حەفتەنینێ كو جهەكێ دبێژنێ گویزا بەدریێ نێزیكی دەڤەرا كویرانشێ ل وێرێ دیسان مە هندەك پێشمەرگە دیتن كو ڕوینشتبین خوارن و دخوارن، مە سلاڤی وان كرو سلاڤا مە وەرگرت وگەلەك كەیفا خوە ب مە ئینا ئیكی ژوان گوت كەرەمكن دگەل مە خوارنێ بخون، نوكە هوین دبرسینە و تەعبینە، مە پچەكێ شەرمكر و مە گوتێ: ئەم نەدبرسینە و دێ چین. گوتن مە هەما وەرن خوارنەكێ بخون ئەڤە شۆڕەشە و ریك دریژە و دڤێت بێهنا وە یا فرەه بیت، چونكو درۆشمێ مە سەبرو تەحەملە وگەلەكا مای و مەژی كەرەمكرو ئەم ڕوینشتین مە ل گەل وانا خوارن خوار، زور قەدری مە گرتن وسەرەدەریەكا باش ب تایبەتی دگەل من كر من هزركرئەو من دنیاسن.
