ئەز ب تنێ بووم د ڤێ شعرێ دا

رێژین حكمەت

چ بنڤیسم!
ئەز نزانم دڤێ شعرێدا
پەسنا چاڤێن تە یێن رەش بکەم
یان پەسنا مژویلانکێن تە یێن درێژ
یان ژی پەسنا
پرچا تەیا داڤێن سپی كەفتینێ؟!
تو ل دەستپێكا شعرێ ڤێ شعرێ
ناڤەك بووی و
ل ناڤەرۆكێ گیانەكی و
ل دوماھیا وێ ژی
عەشقەكی، قەدەرەكی، ژیانەكی و گیانەكی..

من نەدزانی پێنوسی بگرم
تە دەستێ من گرت و
تە رێزكرنا پەیڤان نیشا مندا
من نەزانی عەشق چییە و
تە ئەز فێری ئەلیف بێتكێن عەشقێ كرم..

ئەرێ تو دزانی
ئەز یا شعرا ب ئەشقا مە دنڤیسم
ئەز ب ھەمیڤە یا د بەرزەبوونێ دا
نە بێژە من چ بەرزە بوون
ئەز یا ل دلێ تە دا دهێمە دیتن!
ب تنێبوونێ
ئەز یا د هەمبێزا تە دا
ئەرێ تو دزانی
تو نهینیەک بووی
دناڤبەرا دلی و رحا من دا
تو بوویە سەماکارەک
دناڤ نڤیسینێن من دا
سەمایێ دکەی..

ئەڤ دنیایە تە دبینن وەک کەسەک
بەلێ ئەز تە دبینم وەک رحەك د جەستەیێ من دا
خوین دناڤ لەشێ من دا

ئەو بالیفکا ل بن سەرێ من
هشکبوون یا ژ بیرێ چووی
ئەو چرایێ ژۆرا من
رۆناهییا خۆ ژ مێژە یا هنداکری
عەورێن ل هنداڤی من
جودانە ژ عەوران
ب بارانێن رەش خەملا خۆ کرن

چەند ئەڤ شعرە یا ب زەحمەت بوو
چونکی هەر دێرەکێ بەحسێ دویربوونا تە دکر
هەر وێنەیەکێ دڤێ شعرێدا
خۆ ل بەر رۆندکا من رەنگکر
چوون یا ب ساناهی بوو
بەلێ خۆ ل بەر گرتنا وێ
بۆ من گەلەکا ب زەحمەت بوو..

کۆمێنتا تە