سۆفی مه د په‌رستگه‌ها ته دا
بەشیرا دەروێش
ئه‌ز ل ڤر
تو ژی ل ور
یان ژی
ژ من هنده‌كی وێده تر
لێ، گیان
ل گه‌ل هه‌ڤ دمینن
ژ هه‌ر تشتی نێزیك تر
بێهنا ته دگه‌ڕه
د سینگا من ده
ژ هەناسێ من ژی
زێده تر
لێ تو، نزانی!
ژیانا بێ دیتنا ته
ژ شه‌ڤا زڤستانی
تاری تر
په‌یاله‌ك ئاڤا زه‌لال
گه‌ر ژ ده‌ستێ ته ئەز ڤه‌خوم
ب من ژ شه‌ربه‌تا بوهشتێ
ب گه‌له‌كی ژی خوه‌شتر
دو گۆتن ژ هه‌لبه‌ستا من
د ده‌ربارێ
وان هه‌ردو چاڤان
ب واته نه
ژ گه‌ردوونێ
گه‌له‌ك مه‌زن و فه‌رەهـ تر
نه بێژه من
ما تو هه‌لاجی؟
ئه‌زێ ژ ته‌ره بێژم نا
جزیریمه د په‌سنێ ته ده
د ئەشقا ته ده
به‌لكی هنه‌كی..؟
نا نا ب گه‌له‌كی
گه‌له‌كی ژێ بێتر
