ئاشتی ئاوازەکا مری یە د بلوورەکا دەرزی دا

دلدار محەمەد

ئاشتی 1
ئەو پرتا نانی یه
ئەوا شڤێدی
هەژارەک برسی نڤاندی.

ئاشتی 2
ئەو پێلاڤە یا پیێن زارۆکەکی
ب ئۆمێدێن دیتنا وێڤه بووینە دەولەتا ستریا.

ئاشتی 3
ئەو گۆپالە ئەوێ ددەستێن پیرەمێرەکێ ئەختیاردا شکەستی
و کەلەخێ وی درێژبوویە نیڤا کۆلانەکا تژی مرۆڤێن بێ هەست.
ئاشتی 4
نۆچەیەکێ تەناهیێ یه، دگوهێن گولــلەیەکێ دا دبیته پستپستەکا ترانکی.

ئاشتی 5
بیرهاتنەکا دەم ب سەرڤەچوویه سەرباز د رەبیێ دا شەڤێن ساڕ پێ دەرباز دکەن.

ئاشتی 6
ئەو درەوە ئەوا دایکێن سەربازان ل بەر تیڤیان دکەتە
قافک و شتلێن ئۆمێدێن ڤەگەرا کوڕێن خۆ تێدا دچینن

ئاشتی 7
دەنگێ لیق لیقا سیاسیانە ل بەر دیمەنێن چاڤێن ب رۆندک یێن بێ رێیان.

ئاشتی 8
تیڤارێزکەکا پاتەیی یا هەلوەریایه
ب برینەکا کەل و مەزن ڤه
ب جۆیێن خۆینێ حێبەتی دبیت.

کۆمێنتا تە