دێم و لێڤ و چاڤ
سەیفوللا محەمەد
ل زستانێن سڕ و سەقەم
بەفر و قەشەم
باكوزیرك و ..
دەما تبلێن دەست و پییا
د قەڕمن .. دبن تڕك و
ئەز بێرییا بهارێ دكم
هینگێ جانێ.. هوورك هوورك
هێڤ دكمە وی دێمێ تە
ژبەركو دێمێ تە بهارە
بهارەك هەردەم ب كارە
دەمێ من بڤێت ببمە
نێچیرڤانەك خەما بكوژم
هش و سەودا…
ببنە تەیر و بلند بفڕن
هینگێ وەرە ژدو لێڤێن تە
جامەك شەڕابێ ب نۆشم
دەمێ من بڤێت..
ل دەریایەكا كویرا هزرادا بچم
یان ژی ببمە
پەیكەرەك هشك ڕاوەستای
ژ جهـ نە لڤم
هینگێ لنیڕینا دو
چاڤێن تە یێن ڕەش بەلەكن
ئەڤ هەردو چاڤێن من
یێن زل و زیق
یێن زل و زیق..
