چاڤەڕێی ژڤانێ

ژینێ رێكانی

ژ مێژە وەرە ل ژڤانێ مە
ل بن سیها چنارەکا
هەیڤ هەمبێزکری
پێلێن زێی
سیمفۆنییا ژ هەناسێن من خەریب
ب کەمانا ( دلشادی )***
بۆ پێژنا ڤەگەڕا تە
ب ژەنیت
ل سەمایا پێک گەهەشتنا ژڤانێ
شەڤ ببیتە گولبارین
ژێ ب وەریێن
ماچ و ئەڤین
هەر شەڤ
چاڤ د بن ستێر ستێرۆک
هەناسە دبن سیمفۆنییەکا
ژ عەشقێ تژی
شەڤێ هاویش دکەت
بۆ تەنهایا من
تەنهایا برینێن ئەڤێ عەشقا
ل چاڤەڕێ یا تە
لێ مشتاخە بووین
ئێش و گەرداڤ
گولێن هیڤیا لێ چرمسین
هەر شەڤ هەر شەڤ.

کۆمێنتا تە