چەكێ مە یێ نۆرمال بوو، بەلێ ئیرادە و باوەرییا مە ب دۆزا مللەتێ كورد یا ب هـێز بوو
سالار محەمەد دۆسكی:
3- 3
یرا من دهێت وی دەمی هەر كەسەكێ پێشمەرگە با باوەریا حزبێ پێ دهات چونكە گەهشت بوونە وێ باوەریێ ئەو كەسێ ب مال و كەس و كارێن خوە ل ئیراقێ هێلابن و هاتیە ئیرانێ و دەربەدەریێ سەخمراتی دوزا مللەتێ كورد باوەریەكا تەمام ژ ئالیێ حزبێ ڤە هەبوو و سەنگ و قیمەتەكا زێدە ژ ئالیێ بەرپرسێن مە هەبوو بۆ پێشمەرگەی.
عەبدولعەزیز اسماعیل نەبی بابۆحكی، بەحسێ بیرهاتنەكا خوە یا نەخۆشكر ل دەربەدەریێ گۆت: جارەكێ درێكا (بەندەر عەباس) دا ترۆمبێلا مە وەرگەریا و (18) وەلاتیان گیانێ خوە ژ دەست دا و چەندین كەسێن دی بریندار بوون و ئەڤە ژ روودانێن نەخوش بوو ل دەربەدەریێ ب سەرێ من هاتین و ئەوێ روودانێ گەلەك كارتێكرن ل سەر رەوشا ساخلەمی یا من و ئەوان كەسان هەمیان هەبوو و چوون و هاتنا مە هەر هەمی بۆ دابینكرنا پاریی ژیانێ بوو و چونكە ل وێرێ تە نەكربا تە نەدخار وەك پێشتر ژی مە ئاماژە پێكری ژیان ل دەربەدەریێ گەلەك یا بزحمەت بوو.
هەمان پێشمەرگە هێشتا گۆت: دەمێ ل سالا 1979 (ملا مستەفا بارزانی) وەغەرا دوماهیێ كری و جەنازێ ویێ پیرۆز ژ ئەمریكا ڤەگەراندیە كوردستانا رۆژهەلات وی دەمی مالێن مە خەلكێ كوردستانێ ل ئوردیگایا بوو و جەنازێ وی ئینا (شنو) ڤەشارت و رۆژەكا گەلەك نەخوش بوو و چەند خەلكێ مە چوونە و بەراهیێ و شین و تازی كەفتە هەمی مالان و ئەڤە ژی ژ بیرهاتنێن نەخوشە ل سەر هزرا من وی دەمی ئەم كەفتینە تێدا و بیرا من دهێت بتنێ ئەم دو سێ پێشمەرگە ب چەك بووین و چووینە دەف خودێ ژێ رازی (ئدریس بارزانی) وی دەمی كەسەكێ دی نەهات بوو و پێشمەرگە هەبوون بەلێ هەمی دبێ چەك بوون و سالێن دەسپێكێ دەست هەلاتا ئیرانێ نەهێلا ئەم چەكی راكەین یان خوە دیار بكەین پێشمەرەگەی نە.
پێشمەرگەیێ شۆڕەشا ئیلۆنێ و گولانێ، بەحسێ سەرهلدانا 1991 كر و گۆت: دەمێ سەرهلدانا كوردستانێ ل سالا 1991 دروست بووی كەیفا خەلكێ مە بگشتی هات و كەسەكێ باوەرنەدكر و ئەم گەلەك ژ دەڤەرێن خوە خەریب ب بووین و مە باوەرنەدكر كو پارێزگەهێن كوردستانێ رزگار بووینە و گەلەكا ژ كەیف خوشیێ دكرنە گری و سالا 1995 دەرفەت بوومن دروست بوو كو مالا خوە ڤەگەرینمە كوردستانا ئازاد و بهێمە ناڤ كەس و كارێن خوە دا و ژ چوونا من ل سالا 1975 هەتا 1995 بیست سال بوو من كەس و كارێن خوە نەدیتی بەلێ دوجاران من نامە و وێنێن خوە بۆ دایك و بابێن خوە دهنارتن و دەمێ من دهۆك ل سالا 1975 دیتی و ل سالا 1995 دیتی یە ڤە گەلەك یا جودا بوو چونكە گەلەك مەزن ب بوو وی دەمی حوكمەتا بەعس گوند خرابكر بوون و ئەنفال دەستپێكر بوو و خەلك ب زوری ژ سەر گوندێن وان راكربوون و هاتبوونە ناف باژێران و ئەڤان هەمیان كارتێكرن ل سەر مەزن بوونا باژێری هەبوو نوكە هێشتا مەزنتر لێ هاتیە.
پێشمەرگەیێ هەر دو شۆڕەشێن ئیلۆنێ و گولانێ ئەو ژی گۆت: سیخورێن ئەمنێ چ جاران بەلا خوە ژ مە ڤە نەدكر و هەر دەم زانیاری و هەر تشتەكێ گرێدایی مالا مە دگەهاندە ئەمنێ و بابێ من خودێ ژێ رازی (ئسماعیل نەبی بابوخكی) جارەكێ هاتە دەستەسەركرن و نێزیكی دو سالان ما دزیندانێ دا و هەر ئەمنێ دهۆكێ دڤێت بچی كورێ خوە بینی و بابێ من ژی گۆتێ نوزانم كیڤە یە و مادێ ژ كیڤە ئینم وی دەمی بابێ من مرۆڤەكێ دانعەمر بوو، نەبتنێ بابێ من هاتبوو دەستەسەكرن بەلكو برایێ من (ئدریس ) و چەند كەسێن دی ژی پێكڤە هاتبوونە دەستەسەكرن و گەلەك ئێشاندن ژی و هەمی رەفتا و سەرەدەریێن نە جوان ل گەل دهاتنەكرن و باوەر بكە ئەمنا دهۆك و بەعسیا چ ژ كەسەكێ نەزانی ئەگەر سیخور و كەسێن خائین نەبانە و مال ب مال مالێن پێشمەرگەی نیشا نەدابانە ئەوان چ ژ كەسەكێ نەزانین.
عەبدولعەزیز ئسماعیل بابۆخكی، پێشمەرگەیێ هەر دو شۆڕەشێن ئیلۆنێ و گولانێ ئەو ژی گۆت: دەمێ ئیرانێ جارەكێ ب رێكێن نەقانوونی هاتمە دەڤەرا دۆسكیا و ل گوندێ (ئالەكینا) من بابێ خوە دیت و گەلەك ژ مێژە بوو مە ئێك دو نەدیتی و دناڤبەرا بیست سالێن دەربەدەریێ دا بتنێ بۆ وێ جارێ مە ئێك دو دیت.
هەمان پێشمەرگە بەحسێ چەند بیرهاتنێن نەخوشكرن و گۆت: دەمێ چووباینە شەرەكی یان چالاكیەكێ و ئەگەر پێشمەرگە شەهید ب با و ئەگەر خوە مرۆڤی نەنیاسی ژی دا ئەم گەلەك عاجز بووین و گەلەك پێشمەرگە و هەڤالێن من ل چالاكیێن لەشكەری ل پێش چاڤێن من و گەل من شەهید بووینە و خودێ جهێ هەمیان بكەتە بەهشت .
ل دووماهیێ عبدوالعەزیز بابۆخكی گۆت: گرنگە پێشمەرگ و مالێن خەبات و ماندیبوون دیتی نەهێنە ژبیركرن و چاڤدان بۆ پێشمەرگان هەبیت چونكە هندی ئەم شیاین مە خەبات بۆ مللەتێ خوە كر و ئەم نەپەشێمانین.
