بەرهەمێ هەدار و خۆڕاگریێ
غیاس خـالد زێباری
دەمێ چەند ساڵایە حوكمەتا ئیراقێ شەرێن ئابووری و سیاسی و دەروونی ل گەل هەرێما كوردستانێ دكەت، بەردەوام بەهانەیێن بێ بنەما و نە قانوونی و دەستووری دئینیت، داوی جار ب ئاشكرا دەست برە بەر بڕینا مووچێ خەلكێ كوردستانێ و ب ئاشكرا تێكەلی پرسێن سیاسی و ئیداری كرن و ب دەنگەكێ بلند گۆت دێ خەلكێ كوردستانێ برسی كەین داكو دژی حوكمەتا هەرێما راوەستن و ئارمانجا داویێ ژناڤبرنا قەوارێ هەرێما كوردستانێ بوو، ل سەر ڤان هەمی گڤاشتن و پیلانا حوكمەتا هەرێما كوردستانێ ب سەرۆكایەتیا مەسرۆر بارزانی ب هەدارەكا درێژ و خوەڕاگریەكا نشتیمانی سەرەدەری ل گەل رەوشێ و حوكمەتا ئیراقێ كر و هەتا كو ب دانۆستاندنێن درێژخایەن گەهشتنە رێكەفتنێ بۆ چارەسەركرنا پرسا مووچەی و نەفتنێ، هەرچەندە خەلكێ كوردستانێ ب ڤان گڤاشێن بەغدا تووشی نەخوەشیێن گران بوو، لێ سەرەرای پڕوپاگندە و پیلانێن هندەك ئالیێن ناڤخوە ب هەستەكا نشتیمانی ل پشت حوكمەتا هەرێمێ ڕاوەستان و زانی كو بەغدا مووچە كریە بابەتەكێ سیاسی و دڤێت خەلكێ كوردستانێ سزا بدەت و ڤێ هەدارا حوكمەتا هەرێمێ حیكمەت تێدا یە و ئارمانجا وێ چارەسەریا پرسێ یە، لەوما خوە ڕاگرت. ئەڤ هەدار و خۆراگریا سەرۆكێ حوكمەتا هەرێمێ بەرامبەر گڤاشتنێن زێدە و داكۆكیێن بەردەوام ل ماف و شایستێن دەستووری یێن خەلكێ كوردستانێ لێزانین و دۆربینا مەسروور بارزانی و سیاسەتا حوكمەتا هەرێمێ نیشا كوردستانێ و جیهانێ دا و دیار بوو كو ل سەنگەر و بەرەیێ خەلكێ كوردستانێ نە و د هەمی كاودانان دا بەرەڤانكارێن خەلكێ خۆنە، هەرچەدە حوكمەتا فیدرالی جهێ باوەریێ نیە، لێ ئەڤ رێكەفتنا د ناڤبەرا بەغدا و هەولێرێ دا دەربەرەی مووچە و نەفتێ بۆ ڤێ قۆناغێ دەستكەفتەكێ مەزنە و دێ بیتە ئەگەرێ سەقامگیریا جڤاكی و ڤەژاندنا ئابووری، لەوما نەیارێن ژێك رێكەفتن و نێزیكبوونا هەولێر و بەغدا نەڕحەت بوونە و دەست ب لێدانا ژێرخانا ئابووریا هەرێمێ كریە ب دروونان، هەرچەندە ئەڤ رێكەفتنە دەستكەفتێ هەرێما كوردستانێ و حوكمەتا وێ كۆ چەندین هەیڤە د دانۆستاندناندا، لێ هندەك لایەنێن هەول ددەن بكەنە دەستكەفێن حزبی، ئەڤە ژی نیشانێ بیرتەنگیا وایە و خەلك راستیا دزانیت، یا ژ هەمیێ گرنگتر ئەوە هەدار و خوەڕاگریا حوكمەتا هەرێمێ بەرهەم هات و وەنەكر نەیار و پیلانگێر بگەهنە ئارمانجا خوە كو تەسلیمبوونا هەرێمێ بوو . یا ژ هەمیێ فەرتر و گرنگتر ئەوە خەلكێ كوردستانێ ل ڤان نێزیكا پێكئانینا كابینا دەهێ یا حوكمەتا هەرێمێ ببینیت، چونكی پەرلەمان و حوكمەتا نوو یێن كوردستانێ ب پلانەكا ئێكگرتی دێ شێن هەرێمێ بهێزتر بكەن و مافێن زێدەتر دابین كەن.
