تو دزانی جەلتا گەرمێ چییە؟
د ئەڤ سالەدا پێلەکا گەرمێ ب شێوەیەکێ گشتی چەند دەڤەرەکێن جیهانی گرتینە و وەلاتێن کێشوەرێ ئاسیاژی ب رێژەیەکا زێدەتر بەر وێ پێلێ کەفتن، کو ژ ئەگەرێ وێ رۆژانە چەندین کەس ژیانا خۆ ژ دەست ددەن و ب هزارانژی رەوشا ساخلەمیا وان تێکدچیت یان تووشی جەڵتەیێن گەرمێ دبن.
جەڵتا گەرمێ ئێکە ژ جۆرێن جەلتێ کو ژ ئەگەرێ بلندبوونا پلێن گەرمێ ب شێوەیەکێ بەرچاڤ رووددەت، ئەوی دەمێ لەشی شیانێن کۆنتڕۆلکرنا پلەیێن گەرما ئاسایی کو ٣٧ پلەیێن سیلیزینە، ژ دەست ددەت.
ل دووڤ راپۆرتەکا پەیمانگەها نیشتیمانی بۆ سەلامەتی و ساخلەمیا پیشەیی ل ئەمریکا، ل دەمێ تووشبوون ب جەلتا گەرمێ، میکانیزما خوهدانا لەشی تێک دچیت و پلەیێن گەرمیا لەشی ب شێوەیەکێ بەرچاڤ زێدە دکەت کو ئەگەر هەیە ددەمێ ١٠ بۆ ١٥ دەقیقادا بگەهیتە ٤١ پلەیێن سیلیزی، ئەڤەژی بەراورد ب پلەیێن گەرمیا ئاسایی یا لەشی کو ٣٧ پلەیە زێدەترە.
هەر ل دووڤ ئەوێ راپۆرتێ، دیارترین نیشانێن جەڵتەیا گەرمێ پێکهاتینە ژ؛ گێژبوون، تێکچوونا بارێ دەروونی، هشکبوون و گەرمبوونا لەشی ئانکو خوهدانەکا زۆر، گرژبوونا لەشی، بلندبوونا پلێن گەرمیا لەشی ب شێوەیەکێ بەرچاڤ، هەروەسا هەکە ددەمەکێ نێزیکدا چارەسەریا پێدڤی بۆ ئەوی کەسێ ئەڤ نیشانە هەبن نەکەن رەنگە ببیتە ئەگەرێ ژیان ژ دەستدانێ.
