ل سنە دو رۆژ ماتەمینی هاتنە راگەهاندن
ئارەش لهۆنی پارێزگارێ سنە راگەهاند کو مخابن ژ بەر ئاگرێ ل چیایێ ئاویەر ل سنە سێ چالاکڤانێن ژینگەهێ جانێ خوە ژ دەست داینە و ئەو یەک ژی کارەساتەکا گەلەک مەزنە و ژ بەر ڤێ یەکێ ژی وەکو پارێزگارێ سنە وان دو رۆژ ماتەمینی راگەهاندینە و هەڤخەمیا خوە بۆ مالبات و کەسوکارێن وان قوربانیان دیار دکەن.
پارێزگارێ سنە ئەو یەک ژی دیار کر، سێ چالاکڤانێن ژینگەهێ ب ناڤێن حەمید مورادی، چیاکۆ یووسفی نەژاد و خەبات ئەمینی دەمێ بزاڤا ڤەمراندنا ئاگری کرینە جانێ خوە ژ دەست داینە و چەندین چالاکڤانێن دی یێن ژینگەهێ ژی بریندارن، ئەو یەک رۆژەکا گەلەک نەخوەشە بۆ سنە و هەموو ئیرانێ و ژ بەر ڤێ یەکێ ژی وان دو رۆژ ماتەمینی راگەهاندینە.
ل ئالیێ دی سازیێن جڤاکێ سڤیل رۆژهەلاتێ کوردستانێ هەر سێ چالاکڤان وەکو شەهید بناڤ کرینە و هەڤخەمیا خوە بۆ کەسوکارێن وان دیار کرینە.
