بۆریـنا 42 سالان ل سەر جینۆسایدكرنـا 8000 بـارزانییان
مـووسا خـالـد
بۆرینا 42 سالان ل سەر جینۆسایدكرنا 8000 هەشت هزار بارزانیێن بێتاوان ژلایێ رژێما بەعس ڤە، هەر ژ كەڤن دا و هەتا نوكە پتریا جاران كورد و كوردستان ل گەل ئیراقا شۆڤێنێ نینە، نموونە ژی ئەنفال و كیمیاباران و جینۆسایدكرن و عەرەبكرن یا سەلماندی و جینۆسایدكرنا هەشت هزار بارزانییان و بێ جیاوازی د ناڤبەرا پیران، جوانان، ساخ و نەخۆشان، پەككەفتی، گەنج، زەلام و ئافرەتان دا ئێك ژ مەزنترین كارەساتا و تراژیدیك و هێرشێن هۆڤانە یێن مرۆڤایەتی بوویە، بۆ مە دیرۆكەكا هەڤچەرخ بوو كو بەرانبەر مللەتێ كورد ب گشتی و بارزانیان ب تایبەتی هاتیەكرن، ئەو ژی ژ بەر هندێ كو بارزانی و كوردبوون، ئەڤ جینۆسـایدا هۆڤانە یا رژێما بەعس و بەرزەكرن و زیندانكرن و كوشتنا ب كۆم، هەنبەری كەسێن بێگونەه و بێ دەستهەلات یێن بارزانییان ئەنجامدای، برینەكا كویرە و هەر وەكی سەرۆك مسعود بارزانی گۆتی « ئەڤە زنجیرەیەك بوو ژ زنجیرەیەكا تاوانێن مەزن هەمبەری گەلێ كوردستانێ. هەروەسا وەك بێ سەروشوینكرنا 12000 كوردێن فەیلی، كێمیا بارانكرنا حەلەبجە و چەندیین جهێن دی یێن كوردستانێ زیندانكرن و بەرزەكرنا زۆر كوردان، دیسا ژی شەهیدێن كورد و بارزانی ناسنامەیا خەبات و ماندوونەناسن و قۆربانیێن وان بەرێ بنیاتێ رێكا بەر ب سەرخوەبوونێ یە و موكمكرنا ئیرادە و هێزێ بۆ بەردەوامیدانێ ب خەبات و رێبازا پیرۆز. ئەنفالا بارزانیان برینەكا كویرە كو چ جاران ناهێتە ژبیركرن و چونكی كارەساتەكا دژی مرۆڤایەتیێ هاتە ئەنجامدان
و نها دا ئەڤا كو نوكە ل هەرێما كوردستانێ ب دەستڤەهاتی، ب هەبوونا خۆڕاگریێ و ماندیبوونا خەلكێ ئەڤێ هەرێمێ یە كو سەدەهان سالان، خوە نەداینە پاش و ب درێژیا دیرۆكێ دوژمنێن گەلێ كورد هەمی رێك بكارئیناینە ژ بۆ ژناڤبرنا نفشێ مللەتێ كورد و ئەنفالا بارزان ئێك ژ وان نموونەیانە، بیركرن د رویدانەكا ب ئەڤی شێوەیێ هۆڤانە دا ناخێ مرۆڤایەتیێ دهەژینیت، گەلێ كورد قوربانیێن كورد و ئەقلیەتا چەپەل یا رژێما بەعسی و ئەنفالا بارزانیان وەكو وان تاوانێن دژی هەموو گەلێ كوردبوون، كو هزر و ئەقلی رژێما چەپەل یا ئیراقێ دڤیان كورد و گەلێ كورد هەر نەمینن و ب ئێكجاری بهێنە ژناڤببەن. بەلێ گەلێ كورد ب هێز و ئیرادەیەكا خۆڕاگر شیاینە، دیسا ل بەرانبەری داگیركەران و رژێما بەعس د خۆڕاگر بن، ئەڤ خۆراگریا خوە پاراستی یە و ل دوماهیێ ماندووبوون و قوربانیێن زۆر خەلكێ كوردستانێ ب گیان و خوینێ ئەڤ هەرێمە هاتیە پاراستیە، و نوكە ژی ب زۆر هەول و پلانێن دوژمنان و هەر ژیان و ل ڤێ هەرێما كوردستانێ یا بەردەوامە بەر ب ئەزموون و دەستكەفتێن باشتر ڤە دچیت.
