گرنگییا ئەکادیمیێن وەرزشی
تارق عەبدال
ھەلبەت پشتی دئەڤ سالە دا ھەردو یانەیێن کوردستانێ دھۆک و زاخۆ رولەکێ باش گێرای بتایبەتی یانەیا دھۆک دەستکەفتێن مەزن ب دەستخۆڤەیناین، ب دیتنا من دڤێت ئێدی یانێن کوردستانێ گرنگیەکا مەزنتر بدەنە ئەکادیمییان ژبو چێکرنا یاریزانێن پێگەھشتی و گەنجان ب شێوەکێ باش بھێنە پێگەھاندن ژبو ھندێ ل پاشەروژێ هێلا پێشکەڤتیان یاریێ بکەن، دڤێرە دا دێ ئەم دو قازانجا کەین یا ئێکێ دێ رێژەکا مەزن یاریزانێن کورێن باژێرێ مەبن دێ ب ھەمی ھێزو شیانێن ژبو بلندکرنا ناڤێ باژێرێ ۆو یاریێ کەن و یادویێ شینا ئەو پارێ زەبەلاح بۆ یاریزانێن بیانی دھیتە تەرخانکرن دێ نیڤا وی پاری بۆ یانێ زڤرنەڤە، لەورا یا فەرە ب ئاوایەکی رژد کار لسەر ڤان ئەکادیمییان بکەن دا وەزرشا مە سال ب سال بەر ب پێشڤە بچیت بشێین وەکی ئەڤ سالە چەندین ناسناڤێن مەزن ب دەستخۆڤە بینین دلێ جەماوەر و پشتەڤانێن خۆ خوش بکەن، ئەڤرو سەرانسەری جیھانێ چەندین ئەکادیمیێن ناڤودەنگ ھەنە بۆ چێکرنا رێژەکا مەزنا یاریزانان ھەم بو یانەیێن خۆ ھەم بو فرۆتنا یاریزانێن زیدە بۆ یانەیێن دیتر یێن جیھانێ، ھەر چەندە ل دەمێ وەرزێ ھاڤینێ ل کوردستانێ ب گشتی و پارێزگەھا دھوکێ ب تایبەتی چەندین یانەیێن وەکی دھۆک و گارە و پیرس ئەکادیمییا ڤەکەن و تەمەنێن جودا دا لسەڕ ھەمی ئاستان وەردگرن و رێژەکا مەزن ژ حەژێکەرێن یاریێن فوتبۆلێ پشکداردبن ئەڤەژی دبیتە دەلیڤەکا باش بو سەرپەشت و راھێنەرێن ڤان ئەکادیمییان کو بشێن بخو چەندین یاریکەران ژێ بگرن و پێبگەھین کو ل ئایندەی دا مفا ژ شیانێن وان وەرگرن، سالانە بەردەوام ئەڤ ئەکادیمییە ب شێوەیەکێ درست و رێکوپێک بھێنە ڤەکرن ئەز باوەرم چەند سالێن بھێن ئێدی مە ھەوجەی یاریزانێن بیانی نابیت بەلکو دێ یێن مە چنە یانەیێن ئییراقی و حەتا یێن ئاسیایی.
