حوكمەتا ئیراقێ پشكەكا ئاوارەیێن ڤەگەڕیاینە شنگالێ قەرەبوو نەكرینە
دهۆك، لەزگین جۆقی:
پشكەكا ئاوارەیێن ژ كەمپان چووینە شنگالێ، هەتا نوكە گوژمێ چار ملیۆن دیناران ژ حكومەتا ئیراقێ وەرنەگرتیە، كو بڕیار بوو، هەر خێزانەكا ژ كەمپان بچیتە شنگالێ گوژمێ چار ملیۆن دیناران وەربگریت.
پیر دەیان، رێڤەبەرێ كۆچ و كۆچبەر و بەرسڤدانا قەیرانان ل پارێزگەها دهۆكێ بۆ ئەڤرۆ دیار كر، پشكەك ژ ئاوارەیێن چووینە شنگالێ هەتا نوكە نەهاتینە قەرەبووكرن، سالا 2024ێ حكومەتا ئیراقێ سۆز دابوو ئاوارەیان، دەمێ ڤەگەڕن، گوژمێ چار ملیۆن دیناران وەربگرن و گۆت: «هەتا نوكە گەلەك خەلكێ ڤەگەڕیایە شنگالێ چار ملیۆن دینار وەرنەگرتیە و ئیراق دبێژێت مە پارەیێ بەردەست نینە».
گۆتژی: «هەتا نوكە هەژمارەكا مەزن یا ئاوارەیان د ناڤ كەمپان دا ماینە، چاڤەرێینە حكومەتا ئیراقێ خەلكێ زیان ڤێكەفتی قەرەبوو بكەت، داكو بشێن ڤەگەڕن».
