مە نەبوو بەخت
سەیفوللا محەمەد
بەختێ من بوو سال و دەمان
بووم هەلگرێ دەرد و خەمان
هەمی هیڤی ب رێڤە مان
لێ من دەست ژ تە بەرنەدا
برینا دلی پڕ كویر بوو
بهارا من بەیی و پیر بوو
لێ من ئەو رۆژ هەر ل بیر بوو
رۆژا كەتیم دعەشقا تە دا
عەشقا تەیە ئەز ژار كرم
ژ خوەشییا بێبار كرم
ل ڤێ ژینێ بێزار كرم
ئەز حەلییام دناخێ خوەدا
ما كێ ئاگەهـ ژ من هەیە
هندە دل كۆڤانێ تەیە
چ بێژم ئێدی ژ خوەیە
بۆ عەشقا دناڤبەرا مەدا
مە نەبوو بەخت ل ڤێ ژینێ
یا مە ڤیایی ب گەهینێ
ئەم بوونە وەك مەم و زینێ
چیڕۆكا مە ژی دەنگڤەدا
