پێنج رێك دێ شێوهیێ شاشەیا کۆمپیۆتەری ب تهمامی گوهۆڕن
پەروین سەلاح
شاشە یا سەرەکی یە بۆ ئەزموونا هەر ئامێرەکا کۆمپیوتەری، چ بۆ کاری بیت یان بۆ خۆشیێ یان یارییان.
چونکی ئەگەر تە ب هزاران دۆلاران مەزاخت بن لسەر کۆمپیوتەرەکا پێشکەفتی، دێ رێکخستنێن شاشەیەکا نە رێکخستی ئەزموونێ کێمتر ژ وێ کەن یا چاڤەرێکری، ل دەمەکێ شاشەیەکا باش رێکخستی دشێت هەستەکێ فەخامەتێ بدەتە ئامێرەکا مامناڤەند،یا سەرنجراکێش ئەوە کو گەلەک ژ شاشەیان باشترین کارێ خۆ ناکەن هەر دەمێ ژ سندوقێ دهێنە دەرێ. و ب هندەک گۆهۆرینێن سادە، دشێت کوالیتییا وێنەیی ب شێوەیەکێ بەرچاڤ بهێتە باش کرن، چ تو ژ حەژێکەرێن یارییان بی یان ژ حەژێکەرێن سەحکرنا ناڤەرۆکا بینراو
و ل خوارێ پێنج رێکخستنێن سەرەکی هە نە یێن کو دشێن دەستبەجێ بهێنە گۆهۆرین بۆ وەرگرتنا وێنەیەکێ باشتر د زۆربەیا بکارئینانێن رۆژانە دا، ل گۆرەی راپۆرتەکێ کو مالپەرێ «slashgear» بەلاڤکریە
1- کوالێتی یا ئەسلی یا شاشێ بکاربینە
ئەگەر شاشا تە کوالێتی یا وێ 1440p یان 4K بیت، دڤێت پشت راستبی کو ئامیرێ تە ب راستی و ب وێ دۆقێ وێنەیان نیشان دەت
شاشێ ب دۆقەکا کێمتر ژ دۆقا وێ یا ئەسلی بکاربینی، دێ وێنە ل بن قەبارێ تشتان تێکچیت.
د پتریا حالەتان دا، سیستەمێن ویندۆز و ماکۆئێس دۆقێ ب خۆکاری رێکدێخن، لێ باشترە ب دەستی پشکنینێ بکەی ئەگەر تە هەست ب هەر کێماسیەک کر د رووناهیا وێنەیان یان قەبارێ نڤیسینان دا.
2- بلندترین رێژەیا نویکرنێ (Refresh Rate) چالاک بکە
گەلەک ژ شاشێن نوی پشتەڤانیا رێژەیێن نویکرنێ یێن بلندتر ژ 60 هێرتزێ دکەن، و هندەک ژ وان د گەهنە 240 یان 500 هێرتزێ ژی د بوارێ یاریکرنێ دا.
لێ سیستەمێن کارپێکرنێ ڤێ بژاردێ ب خۆکاری هەردەم رێک نائێخن هەلبژارتنا بلندترین رێژەیا نویکرنێ یا بەردەست، دێ لڤینێ نەرمتر لێکەت، چ د دەمێ گەرۆکی یان سەیرکرنا ڤیدیۆیان یان یاریکرنێ دا بیت، ب مەرجەکی کەرتا شاشێ و پۆرتێن بکارئینایی پشتەڤانیا ڤان لەزاتیان بکەن.
3- تایبەتمەندیا رێژەیا نویکرنا گوهۆڕ (VRR) بکاربینە
ئەگەر شاشا تە و کەرتا شاشێ پشتەڤانیا تەکنیکێن وەک Nvidia G-Sync یان AMD FreeSync بکەن، چالاککرنا وان هاریکارە بۆ ژناڤبرنا دیاردهیا پارچەپارچەبوونا وێنەیان، ب تایبەت د دەمێ یاریکرنێ دا.
ئەڤ تایبەتمەندیە کار دکەت لسەر هەڤدەمکرنا رێژەیا نویکرنا شاشێ دگەل ژمارا فریمێن کو کەرتا شاشێ بەرهەم دئینیت، کو ئەڤە ئەزموونەکا نەرمتر ددەت.
و هەرچەندە ب شێوەیەکێ سەرەکی بۆ یاریزانانە، لێ ب گشتی د هندەک حالەتان دا رەوشا نیشاندانێ باشتر دکەت.
4- ب ژیری بکاربینە HDR
تەکنیکا HDR جوداهیا د ناڤبەرا جهێن تاری و روون دا بهێزتر دکەت، و قووڵاتی و راستەقینەییەکا زێدەتر ددەتە وێنەیان، لێ بۆ هەمی جورێن ناڤەرۆکێ ناگونجیت.
باشترە HDR تنێ د دەمێ سەیرکرنا فلم یان یاریکرنا یاریێن کو پشتەڤانیا وێ دکەن، چالاک بکەی، چونکی ناڤەرۆکا ئاسایی (SDR) دێ بێ رەنگ یان نە سروشتی دیار بیت ئەگەر HDR ب شێوەیەکێ ب بەردەوامی بکاربینی.
هندەک شاشە بژاردەیا گوهۆڕینا خۆکاری دابین دکەن، کو ئەڤە باشترین چارەسەریە ئەگەر بەردەست بیت.
5- فلتەرێن رۆناهیا شین راگرە ئەگەر کارتێکرنێ لسەر نڤستنا تە نەکەن
فلتەرێن رۆناهیا شین، وەک Night Light و Night Shift، بووینە تایبەتمەندیەکا سەرەکی د پتریا سیستەمان دا، لێ کارتێکرنەکا خراب لسەر دۆقا رەنگان دکەن و شاشێ ب رەنگەکێ زەر دیار دکەن و هەرچەندە باوەریەکا بەربەلاڤ هەیە کو رۆناهیا شین زیانێ دگەهینیتە نڤستنێ، لێ لێکۆلینێن نوی دیار دکەن کو کارتێکرن ب شێوەیەکێ زانستی نەهاتیە ئێکلاکرن، و جورێ چالاکیێ بەری نڤستنێ د شیاندا هەیە فاکتەرێ هەرە گرنگ بیت لەورا، ئەگەر تە هەست ب کارتێکرنەکا خراب لسەر نڤستنا خۆ نەکر، د شیاندا هەیە باشتر بیت ئەڤ فلتەرە بهێنە راگرتن و تەماشا رەنگێن راستەقینە یێن شاشێ بکەی، ب تایبەت د دەمێ کارکرنێ یان تەماشەکرنا ناڤەرۆکێ دا.
هەروەسا پێدڤی ناکەت هەردەم شاشەکا نوی بکڕی بۆ باشترکرنا ئەزموونا نیشاندانێ ب رێکخستنا ڤان پێنج رێکخستنان تنێ، د شیاندا هەیە باشترین تشت ژ شاشا خۆ یا نوکە دەربێخی، و وێنەیەکێ روونتر و نەرمتر و راستەقینەتر بدەستڤە بینی، چ بۆ کاری بیت یان بۆ خۆشیێ.
