یانەیێن دهۆكێ و پۆلیتەكنیك مانا خوە د نایابا ئیراقێ دا پاراستن
ب دووماهی هاتنا یاریێن قووناغا دویێ ژ خولا پلا نایابا ئیراقێ یا تەپا ل سەر مێزێ دەربازبوون بۆ خولا بژارە هەردو یانەیێن دهۆك و پۆلیتەكنیك مانا خوە د دخولێ دا پاراستن پشتی ل رێزێن چارێ و پێنجێ د كۆما چارێ دا هاتین ئەوا یانەیا هەولێر ئێكسەر دەربازبووی
یانەیا دهۆكێ ل ڕێزا چارێ هات ب كۆمكرنا نەهـ خالان ل سەرجەمێ هەردو قووناغا، یانەیا پۆلیتەكنیك ل رێزا پێنجێ هات ب كۆنكرنا حەفت خالێن هەردو قووناغا و ب فەرمی مانا خوە د خولێ دا پاراستن و دوور كەڤتن ژ مەترسیا داكەڤتنێ بۆ پلا ئێك، سەرباری دێ قووناغا پاشكۆ هێتە كرن بۆ ئەوان یانەیێن دووماهیێ ژ هەر چار كۆمان پێخەمەت زانینا ئەو یانەیێن دێ داكەڤنە پلا ئێكا ئیراقێ.
ل دۆر ڤێ یەكێ عامر حەسەن ئەندامێ فدراسیۆنا تێنسا ل سەر مێزێیا دهۆكێ بۆ رۆژنامەیا ئەڤرۆ دیاركر، قووناغا دویێ یا ئیراقێ ل هۆلا گرتییا یانەیا دهۆكێ د هاتە كرن، ب پشكدارییا نەهـ یانەیان ئەوژی، دهۆك، پۆلیتەكنیك، هەولێر، ئەكاد، فتوە، برایەتی، ئاسۆ، ئارارات، رەواندۆز یاریێن وان ب شێوەیی خول دو قووناغ دهاتنە كرن، بڕیارە ل دەمەكێ نێزیك فدراسیۆنا تێنسا ل سەر مێزێ ژڤانەكێ نوو بۆ قووناغا پاشكۆ ب دانیت.
لدۆر ئاست و ئەنجامێن یانەیێن پارێزگەهێ گۆت: ب شێوەیەكێ گشتی ئاستێ وان یێ باش بوو، هەڤڕكییەكا دژوار دناڤبەرا یانەیان دهاتە كرن، گەشبینی هەیە كو یاریزانێن پارێزگەهێ خودان شیانن بۆ قارەمانیێن داهاتی دێ ب ئاست ئەنجامێن باشتر بن.
