سامسۆنگ کار ل سەر بهرچاڤكێن زیرەک دکەت دا کو ببیتە هەڤڕکا کۆمپانیا مێتا
ئەڤە نە نهێنییە کو کۆمپانیا سامسۆنگ کار ل سەر چێکرنا بهرچاڤكێن زیرەک دکەت کو ب زیرەکیا دەستکرد AI کار دکەن، دا کو ببیتە پێگوهۆڕهك بۆ بهرچاڤكێن “Ray-Ban” یێن کۆمپانیا مێتا. سامسۆنگ ب فەرمی پشتڕاست کریە کو ئەو د گەنگەشەیێ دانە د گەل چەند نیشانێن بازرگانی Brands بۆ پێشئێخستنا ڤی ئامێری.
هەرچەندە سامسۆنگێ هێشتا هوورکاریێن زێدە ئاشکەرا نەکرینە، بەلێ راپۆرتەکا نوو ژ لایێ “گوگل” ڤە هندەک ژ تایبەتمەندیێن ڤان بهرچاڤكێن زیرەک دیار کرینە:
تایبەتمەندیێن بهرچاڤكێ و دوگمەیێن وێ:
ل گۆرەی هندەک بەلگەنامەیێن ب دهست كهفتين، ئەڤ بهرچاڤكه دێ ب سیستەمێ “Android XR” کار کەت و دێ چەندین دوگمە و کەرەستەیێن کۆنترۆلکرنێ تێدا بن، ژ وان ژی:
• دوگمەیا کامیرێ: ئەگەر دو جاران فشار ل سەر بهێتە کرن، کامیرە دێ ڤەبیت. ئەگەر ئێک جار فشار ل سەر بهێتە کرن، دێ وێنە یان ڤیدیۆیان گریت.
• لایتێن: LED بهرچاڤك دێ لایتەکێ بچووک تێدا بیت دا کو نیشان بدەت کامیرە یا کار دکەت و وێنەیان دگریت.
• تاچ پاد Touchpad : جهەکێ “تاچ” دێ ل سەر بیت بۆ کۆنترۆلکرنا دەنگی یان داخوازكرنا هاریکارێ زیرەکێ گوگل Gemini ب رێکا فشارەکا درێژ.
دو جۆرێن بهرچاڤكان دێ هێنە بەرهەمهێنان:
راپۆرت ئاماژێ ب هندێ دکەت کو دو جۆرێن بهرچاڤكان د رێ دانە:
-1 جۆرێ ئێکێ (بهرچاڤكێن AI): ئەڤە ب تنێ مایک، سپيكهر، و کامیرە تێدانە و ب زیرەکیا دەستکرد کار دکەن (بێی شاشە).
-2 جۆرێ دويێ (بهرچاڤكێن AI دگەل شاشەیێ): ئەڤە زێدەباری مایک و کامیرێ، شاشەکا بچووک د ناڤ عەدەسەیان دا هەیە بۆ نیشاندانا تشتان ب رێکا “راستییا زێدەکری” Augmented Reality.
دەمێ بەلاڤکرنێ:
سامسۆنگ نوکە ل سەر هەردو جۆران کار دکەت. دهێتە چاڤەڕێکرن کو جۆرێ ئێکێ (ئەوێ بێ شاشە) ل دووماهیا ئەڤ سالە بهێتە نیشاندان. بەلێ ئەو جۆرێ شاشە ل سەر، دێ گیرۆ بیت و ل سالا ٢٠٢٧ێ کەڤیتە بازاڕی.
