بۆ جارا ئێکێ یە تیمەکا فۆتسالا کوڕان پشکدار بیت
شاهۆ فەرید:
بۆ جارا ئێکێ یە د دیرۆکا خوە دا یانەیا پیرس بڕیار دا ب پشکدارییا تیما خوە یا فوتسالێ وەکو نوونەرا پارێزگەها دهۆکی پشکداریێ د ڤاڤارتێن خولا ئیراقێ یا فوتسالێ ل سەر ئاستێ کوڕان دا بکەت ئەوا بڕیارە هەڤڕکیێن وێ ل شەمبییا بهێت باژێرێ سلێمانیێ بهێتە کرن.
ل دور ڤێ یەکێ د. بەهزاد سالح سەرۆکێ یانەیا پیرس بۆ رۆژنامەیا ئەڤرۆ گۆت: پێخەمەت پشتەڤانی بۆ یاریزانێن مە یێن فوتسالێ و پشکدارییەکا سەرفەراز مە بڕیار دا تیما خوە پشکداریێ د ڤاڤارتێن خولا ئیراقێ دا بکەین، ئەڤە بۆ ماوەیێ چەندە رۆژە بەرهەڤی و راهێنان دهێنە ئەنجامدان، ئەم وەکۆ تاکە تیما پشکدار نوونەرا پارێزگەها دهۆکێ نە، ئەم هیڤینە بشیێن ئاست و ئەنجامێن باش دەستڤەبێن، ئێکەم یاریا مە ژی رۆژا شەمبیێ یە ل پارێزگەها سلێمانی، ئەڤ قارەمانیە لسەر ئاستێ پێشەکارانە و تیما مە تا ڕادەیەکێ باش بەرهەڤی کرینە و ئارمانجا مە ژی دەربازبوونە.
زێدەتر ناڤهاتی گۆت ژی: مە باوەری ب شیانێن راهێنەری خوە یێ خودان شیان ئاراس سالحی، ژبەرکو سەربورەکا هەری باش هەیە ل سەر ئاستێ یارییا فۆتسالێ، ل دووڤ پشککێشانێ تیما مە کەفتیە د کومەکا هەڤسەنگ دا کۆ پێکهاتینە ژ یانەیێن سلێمانیێ، کەرکووک، بەغدا و مووسل، دێ هەموو بزاڤان کەین پلێتا دەربازبوونێ ب دەستڤە بینین، شێوازێ وێ ژی خول ئێک قووناغە، ڤاڤارتنێن دەربازبوون بۆ خولا نایاب یا فوتسالێ بەلاڤکرینە ل سەر دو کۆمان یا باکور و باشوری، یا لسەرمە پێدڤی بۆ تیمێ هاتیەکرن، هیڤیا وێ چەندێ ببینە نوونەرێن دهۆکێ خولا نایاب دا.
