نه‌خۆشيا ئيبۆلا نمرێن چاڤه‌رێنه‌كرى تۆمار دكه‌ت
ئه‌ڤرۆ نيوز:
رێژا قوربانيێن تووشى نه‌خۆشيا ئيبۆلا بووين د زێده‌بوونێ دايه، د ل حه‌فت وه‌لاتان دا كو پێنج ئه‌فريقى نه رێژا تووشبوونێ گه‌هشتيه هه‌شت هزار و 400 كه‌سان و زێده‌ترى چار هزار كه‌سان ژى گيانێ خوه ژ ده‌ست داينه.
رێكخراوا ساخله‌ميا جيهانى راگه‌هاند كو ژ ئه‌گه‌رێ نه‌خۆشيا ئيبۆلايێ چار هزار و 33 كه‌سان گيانێ خوه ژ ده‌ست دايه، يێن كو هاتينه تۆماركرن، رێژا تووشبوويان ژى د زێده‌بوونێ دايه كو گه‌هشتينه هه‌شت هزار 399 كه‌سان، ئه‌ڤ حاله‌ته ل هه‌ر ئێك ژ گينيا و ليبيريا و نێجيريا و سنيگال و سيراليۆن و اسپانيا و ئه‌مريكا هاتينه تۆماركرن، دبيت هنده‌ك حاله‌ت ل هنده‌ك وه‌لاتێن دى ژى هاتبنه تۆماركرن وه‌كو نه‌رويژ.
ب گۆره‌ى ژێده‌رێن رێكخراوا ساخله‌ميا جيهانى د ناڤ ڤان حاله‌تان دا 416 كه‌س كارمه‌ندێن ساخله‌ميێ نه و ژ وان ژى 233 كه‌سان گيانێ خوه پێ ژ ده‌ست دايه.
ئه‌ڤ رێژه د زێده‌بوونێ دايه كو ل حه‌فتيا بۆرى رێكخراوا ساخله‌ميا جيهانى راگه‌هاندبوو كو سێ هزار و 400 كه‌سان گيانێ خوه ژ ده‌ست دايه و حه‌فت هزار و 400 كه‌س تووش ببوون.
