ئەز شەیدایێ رەنگانم
هەرهین محەمەد:
بیرهات ئارتێست، گەنجەكێ بەهرەمەندێ خەلكێ دهۆكێ یە و دژیەكێ بچووك دا حەزا چێكرنا وێنەیان ل دەف پەیدابوویە، د دیدارەكێ دا بۆ رۆژنامەیا ئەڤرۆ گۆت: دەمێ ئەز زارۆك من هەست ب هندێ كر روحەكا هونەری ل نك من و ل گەل مەزن بووم و بوومە شەیدایێ رەنگان و هەر تشتەكێ من دیتبا چ سرۆشتی با، یان كەسوكی با من دكرە راستیەك ل سەر لاپەران و رۆژ بوو رۆژێ حەزا من پتر بۆ كارێن هونەری و رەنگان چوو.
هەروەسا گۆت: گرنگیێ ب هەموو بابەتان ددەم و پتریا وێنەیێن ئەز چێدكەم دەربڕینێ ژ هەست و سۆزێن من دكەن و پتریا وێنەیێن ئەز چێدكەم یێن كەسوكی نە و ئەز ب پێنڤیسێ رساسی چێدكەم و بارا پتر كارێ من ل سەر سۆشیالێ یە و خەلك داخواز دكەت و ئەز ژی بۆ چێدكەم و هەر وێنەكی ژی نێزیكی دەمژمێرەكێ ل سەر كاردكەم و گەلەك كەس ژی حەزدكەن وێنەیێ وان بۆ ب رەنگان چێكەم.
