بەری بمریت گۆڕێ خۆ ب شەش هزار دۆلاران چێكریە
رەمەزان زەكەریا
وەلاتیەكێ ناوچەداریا دینارتە ل دەڤەرا ئاكرێ، ب گۆژمێ شەش هزار دۆلاران گۆڕەكێ تایبەت بۆ خۆ چێكریە و دیرۆكەكا سەیر ژی وەك ڕۆژا وەغەركرنا خۆ ل سەر نڤیسیە.
مشات نافخۆش، ئەو وەلاتیێ گۆر بۆ خۆ چێكری بۆ رۆژنامە ئەڤرۆ گۆت: ئەز فەرمانبەر بووم و نوكە خانەنشین بوومە، ل سالا ١٩٥٥ ژ دایكبوویمە خەلكێ گوندێ ئامادا مە ل سنۆرێ دینارتە سەر ب ئاكرێ ڤە ژ سالا ٢٠١٥ دەست ب چێكرنا گۆڕی خۆ كرییە ل ناڤ گوندێ خۆ دا كو پشتی مرنێ ل وێ جهی بهێمە ڤەشارتن و من ڕۆژا مرنا خۆ ژی نڤیسیە كو دزڤڕیت بۆ (٢٣-٥-١٩٩٧)، د دەمەكێ دا كو هێشتا یێ ساخم و د ژیانێ دا مە، ئەڤ دیرۆكا ل سەر گۆری نهینیەكا تایبەتە بۆ كەسێ ژی نابێژم و بەردەوام دژیانێ دا من حەزژ بتنێ بوونێ كریە، لەورا من ڤیا گۆرەكێ دوور ژ خەلكی بۆ خۆ چێكەم و شەڤ و رۆژ ل سەر گۆرێ خۆ دژیم من خانییەك ل سەر گۆرێ خۆ ئاڤاكریە.
