ئارژینی سترانەكا نوو بەلاڤكر
دلۆڤان هالۆ
سترانبێژێ گەنج (ئارژین ئاری) د دیدارەكێ دا بۆ رۆژنامەیا ئەڤرۆ دیاركر كو بەری چەند رۆژان وی سترانەكا خۆ یا نوو ب ناڤێ (بێزاری و دلینا من) بەلاڤكر، كو ئەو ژی ماشوپەكا كوردی یە ژ دوسترانان پێك دهێت.
هەروەسا گۆت: سترانا (بێزاری) پەیڤ و ئاواز فولكلۆرن، سترانا (دلینی) ژی پەیڤێن (غەریب قادر) و ئاوازا وێ فولكلۆرە، مۆزیك و میكس و ماسترینگا سترانێ ژلایێ منڤە هاتیە چێكرن و ل تۆن ستودیۆ ل دهۆكێ هاتیە تۆماركرن، بۆ زانین بەری ڤێ سترانێ من هژمارەكا ستران و كلیپان بەلاڤكرینە، ژوانا سترانێن (دل نادەم و ڤەگەڕە و شەڤ و گەر تو بچی و دلبەرا من، هەروەسا من سترانەكا دو قۆلی ژی ل گەل (ئەلیف ئالگۆل) كو ژ باكۆرێ كوردستانێ یە گۆتیە.
