هەلوەستەکێ شامێ بوویە جهێ دلگرانیا کوردان
چەندین پارت و هێزێن سیاسی یێن رۆژئاڤایێ کوردستانێ دیار کرن کو هەلوەستێ شامێ ل هەمبەر کوردان ب چو رەنگەکێ ناهێتە قەبوول کرن و شام رۆژ ب رۆژێ کار دکەت دا کوردان لاواز بکەت و سووریایەکا ناڤەندی یا وەکو سەردەمێ بەشاری ئاڤا بکەت.
پارتێن سیاسی یێن کوردی ل رۆژئاڤایێ کوردستانێ دیار دکەن، ل پەرلەمانێ سووریێ تنێ چار کورسی بۆ کوردان هاتینە تەرخان کرن و ئەو یەک ژی بنپێکرنا مافێن گەلێ کوردە ل سووریێ، بەرپرسێن شامێ رۆژ ب رۆژێ رێککەفتنا کو بەری نها هاتیە ئیمزا کرن، بنپێ دکەن و ب کریاری ل دژی هەموو مافێن رەوا یێن گەلێ کوردن ل سووریێ.
پارتێن سیاسی دیار دکەن ژ سەرجەمێ ٢١٠ کورسیێن ل پەرلەمانێ سووریێ دڤێت هەری کێم ٤٠ کورسی بۆ کوردان بن و مخابن دەستهەلاتا نها یا شامێ ب رەنگەکێ ئاشکرا دژبەریا مافێن گەلێ کورد ل سووریێ دکەت و کورد ب چو رەنگەکێ هەلوەستێ نها یێ شامێ قەبوول ناکەن.
