بزاڤان بكە مەژیێ خوە یێ ڤەشارتی بكاربینی
بێوار حەمدی
ئەرێ ئەم هەموو مرۆڤ هەست پێ دكەین كو مە مێشكەك بتنێ هەیە ؟ بەلێ ئەم هەموو وەسا هزردكەین وهزرا مە یا دروستە و ئەو هزرا ئەم نوكە دكەین ژی هەر یا ژوی مێشكی دەردكەڤیت، ئەم گەلەك هزرا دكەین لێ ئەڤان هەمو هزران مێشكەك بتنێ كر ژبۆ دكەت، هەتا ڤێرێ ئەوە یا ئەم دزانین ورەنگە زارۆكەك ژی ڤێ چەندێ بزانیت، لێ یا ئاشكرایە كو پتریا مە هزرێن سەرڤە سەرڤە دكەت و كووردناڤ مێشكێ خوە دا ناچیت، رەنگە ژبێخیرەتی یامە بیت و رەنگە ژی ژ بێزاریێ یان نەزانینا مە بیت، دبیت بو كارێن خوە ژی ئەم هزر تێدابكەین نێ ئەو بخوە هەر كارەكێ مرۆڤ ب هزركرنێ نەكەت سەركەفتنێ تێدا نائینیت و دبیت لاواز و خوسارەت بیت ژوی كاری، لێ من دڤێت بێژم كو مێشكێ مە ژڤێ چەندێ مەزنترە و خودایێ مەزن هند شیان یێن داینە مە كو ڤی مێشكی ب دروستی و جوان و ساخلەم بكاربینین، مەرەمامە ژ مێشكێ ڤەشارتی ئەونینە كو مە دوو مێشك هەبن ئێك یێ ئاشكرا وئێك یێ ڤەشارتی، بەلكو مێشكێ ڤەشارتی هەر مێشكێ مەیێ ئێكانەیە بەلێ وی مێشكی كویراتی و دوڤچونەكا سەیرو ساخلەم ژبۆ دڤێت، دێ بینی دەمێ كەسەك دماوێ پێنج خولەكان دا بتنێ هزرێن خوە بكەت رەنگە وی هێز نەمینیت زێدەتر هزربكەت و براوەستیت هەتا ژبۆ چ كار ژی بیت، ل وی دەمی ڤی كەسی مێشكێ خوەیێ ڤەشارتی بكارنەئینایە بەلكو هزرێن سەرڤە سەرڤە یێن كرین ئەوێن كو رەنگە ژیاناوی رەش وتاری بكەت یان ژ مەزنترین بازرگانی خۆسارەت ژی بكەت، لێ مێشكێ ڤەشارتی پێدڤی ب پتر وكورتر هزركرنێ یە دمێشكێ مەیێ ڤەشارتی دا خەزینەیەكا مەزن یا ڤەشارتی هەیە یا تژی ژ پێزانین و بەرفرەهیانە، ئەها ب ئەڤی مێشكی دێ شێی بیە بازرگانەكێ مەزن یان ڤەكولەرو هزرڤانەكێ باش، لێ یا لسەر مە پێدڤیە ڤی مێشكی ب ساخلەمی بكاربینین و بتنێ دگەل خوە بروینین، بتنێ هزربكەین و پرتێن مێشكێ خوەیێ ڤەشارتی لێكبدەین و ژبیرنەكەین كو داهێنانێن مەزن ژ مێشكێن ڤەشارتی دەردكەڤن.