جوداهیا كەسێن دلسۆز و یێن كویلە
صالح حەكیم
كۆیلە كی یە؟ پێدڤیە ئەم كەسێن كۆیلە و یێن وەفادار تێكەلی ئێك پاكێچە نەكەین و د ئێك گۆتار دا نەخوینن هەكە دیرۆكا جڤاكێن مرۆڤایەتیێ ب دروستی بخوینین لاپەرێن پەرتووكا وێ ڤە دەین سەر راوەستین، پێ نەڤێت دێ سەر گەلەك تشتا هەلبین هەلبەت بەرپاكرنا هەموو شۆڕەشان كەسێن دلسۆز و وەفادار رۆلێ وانێ بەر چاڤ و دیاربوویە د هەموو كاودانا دا بەرگـری ژ ئاخ و نەتەوا خوە كریە ئەڤجا چ ب خزمەتا چەكداریێ بیت یان رۆلێن جودا ب سەخمەراتی هەبوونا وەلاتی بیت نابیت رۆلێ وان كەسا بهێتە ژ بیركرن ئەڤرۆ ژی كەسێن وەلاتپارێزین هەمان وەفاداریا هەی، لێ هندەك هەنە ب مەرەمێن جودا ب ناڤێن جودا بێكۆ جارەكێ ژی هەستا وەلاتپارێزیێ لجەم وان ئازریبیت شینی و تازی دەربەدەری و مالوێرانیا ڤی مللەت دیبن ئەڤرۆ خوە ب قارەمان ددانن هەلبەت مە بڤێت و نەڤێت رابردۆیێ مە هەموو كریارێن مە د سەلمینیت پتریا مرۆڤان دەڤ و دلێن وان نە ئێكن، لەو بزاڤا دكەن ب سەرڤە رەفتارێن باش بینن پێش لێ پتریا جاران دوورە ژ راستیێ هندەك هەنە ب رێكێن كۆیلاتی و خوازخازۆكیێ بۆ بەرژەوەندیێن خۆ یێن كەسۆكی تشتێ دوور ژ مافێ وان دەستڤەئیناینە لێ دێ بینی رۆژانە هەموو ل سازیا خوە لبەر سیبەرا هندە بەرپرس و كەسێن ناڤدار وێنە دكەن مخابن رێ ب وان جۆرە كەسا بهێنەدان زۆربەیا جاران ئەو كەس كۆیلەیەتیێ ب مافێ خوە دزانن بێ كو رۆژەكێ ژی چار رۆندك بۆ نە هامەتیێن ڤی مللەتی باراندبن، نها ژی هەر ئەو بەحسێ هەموو مافان دكەن چاران ژی گازندا دكەن یا ژ هەمیێ ژی خراپتر خوە بناڤێن زانا و رەوشەنبیر دجڤاكی دا دانینە نیاسین لێ بێكو ترازیا وی ناڤێ گران كا ل چ ئاستە خوە پێ نە هەلسەنگاندینە، ب دیتنا من ئێدی پێدڤیە ڤان جورە كەسا ڕاوەستینن بلا بەس بیت ریكێ بدەن كەسێن خزمەتكار و دلسۆزێن وەلاتی یێن ب سالا خزمەت كرین بۆ ئازادكرنا گەلێ كورد هەردەم بەرهەڤ بووینە گیانێ خوە ژی بكەنە قوربان، پێ نەڤێت هندەكا رۆح و جان پێشكێشكرینە ب ساناهی ئەڤ هەموو دەستكەفت نەهانینە بەلكۆ ب رەنج و رەواجا بەرهەمێ خوینا شەهیدانە قارەمانیا پێشمەرگانە چونكی هەموو سەر ئەفرازی و سەرنشیفان پێشمەرگە گازیا مللەتی بووینە ئەڤە بەرهەمێ ماندیبوونا وانە ئەم وەكو مللەت تەنا و ئارام ل وەلاتێ خۆ دنڤین ژیانێ تێدا دكەین.
