ڤیزایـا كۆچبەرێن دیجیتالی
عومران میكائیل
د سەردەمێ مە یێ ئەڤرۆ دا تەكنەلۆژیایێ هەمی سنوور یێن شكاندین ئێدی كاركرن نە یا گرێدایە ب نڤیسینگەهەكێ یان جهەكێ دیاركری ڤە ئێك ژ دیاردەیێن نوی د جیهانێ دا پەیدابوونا ڤیزا كۆچبەرێن دیجیتالی یە كو ڕێكێ ددەتە مرۆڤی ل هەر دەولەتەكا وی بڤێت بژیت و كارێ خۆ ب شێوازێ ئەلیكترۆنی بكەت ئەڤ ڤیزایەدەلیڤەیەكا یاسایی یە بۆ ئەو كەسێن كو كارێن وان ب رێیا ئینتەرنێتێ نە وەكی گەشەپێدەرێن وێبێ دیزاینەران و وەرگێڕ یان خودانێن كۆمپانیێن ئەلیكترۆنی مرۆڤ دشێت ب ڤێ ڤیزێ بچیتە دەولەتەكا دی و بۆ ماوێ ساڵەكێ یان زێدەتر ل وێ رێ كار بكەت بێی كو پێدڤی ب گرێبەستا كارێ ناڤخۆیی ل وێ دەولەتێ هەبیت.
خالێن سەرەكی یێن ڤێ ڤیزێ
كاركرن ل هەر جهەكێ: تو دشێی ل سەر كەنارێن دەریا وەلاتەكێ یان د ناڤ كافێیەكا پاریس دا كار بكەی و مووچێ خۆ ژ كۆمپانیا خۆ یا دەرەكی وەرگری
وەرگرتنا ئیقامێ: ئەڤ ڤیزایە رێكێ ددەتە خودانێ خۆ كو ب شێوەیەكێ یاسایی ل وێ دەولەتێ بژیت و وەك نیشتەجێبوویەك بهێتە هەژمارتن.
گەشت و گەڕیان: د وی دەمێ كو تو كارێ خۆ دكەی تو دشێی ناسینا خۆ ب كوولتۆر و خەلكێ وێ دەولەتێ بكەی.
مەرجێن وەرگرتنێ ب گشتی:
١- هەبوونا كارەكێ ئەلیكترۆنی: پێدڤییە بسەلمینی كو كارێ تە ب رێیا ئۆنلاینە.
٢- داهاتێ هەیڤانە:پتریا دەولەتان مەرجان ددانن كو داهاتێ تە یێ هەیڤانە ژ ئاستەكێ دیاركری كێمتر نەبیت.
٣- دابینكرنا ساخلەمیێ:هەبوونا پشتراستیا ساخلەمیێ یا نێڤدەولەتی.
هەروەسا ڤیزایا كۆچبەرێن دیجیتالی ب تنێ دەلیڤەیەكا گەشتێ نینە، بەلكو شێوازەكێ نوی یێ ژیانێ یە ئەڤە دەرگەهەكێ مەزنە بۆ گەنجان و خۆدان كاران كو بشێن ب ئازادی د جیهانێ دا بگەڕیێن و ل هەر جهەكێ حەز لێ هەبیت ببنە خودان ئیقامە یا خو و كارێ خۆ بەر ب پێشڤە ببەن.
