ژ دلێ كوردستانێ بۆ جیهانا عەرەبی
نەهلا ئەحمەد
د پێشڤەچوونەكا دیرۆكی دا و یا بێ وێنە بۆ وەرزشا پارێزگەها دهۆكێ و سەركەفتنێن وێ یێن كارگێری و وەرزشی، بۆ جارا ئێكێ د دیرۆكا قارەمانیێن كەنداڤی دا باژێرێ دهۆكێ هاتیە دەست نیشانكرن بۆ مێهڤانداریكرنا یاریێن قارەمانیا كۆپا سوپەرا كەنداڤی، ئەڤ پێنگاڤە نەك ب تنێ دەستكەفتەكێ وەرزشی یە، بەلكو دیاركرنا شیانێن بلند یێن پارێزگەها دهۆكێ یە د پێشوازی و ڕێكخستنا یاریێن كەنداڤی دا، گرنگییا مێهڤانداریكرنا قارەمانیا ناڤهاتی، بێ گومان مێهڤانداریكرنا ئەڤێ قارەمانیێ و د ڤی ئاستی دا ل سەر ئاستێ كەنداڤی ئاماژەیەكا روونە كۆ باژێرێ دهۆكێ بوویە خالەكا سەرەكی د نەخشێ وەرزشی یێ دەڤەرێ دا، بێ گومان ئەڤ هەلكەفتە دێ دەرگەهەكێ مەزن ژ بۆ وەرزشڤان و پشتەڤانێن وەرزشی ڤەكەت دا كو پتر بینەریا یاریێن بهێز و هەڤرك بكەن و یا گرنگ ژی ل ڤێرێ من دڤێت دیار بكەم كو كەنالێن راگەهاندنێ ژی یێن ناڤخۆیی و ژ دەرڤە دێ دێ كارتێكرنەكا زور هەبیت ژ بۆ نیشاندانا كەرتێ وەرزشی و گوزاری هەتا كەرتێ ئابوری ژی دێ ئەڤێ قارەمانیێ گرنگیا خۆ هەبیت ژ هاتنا شاندێن وەرزشی دێ بیتە ئەگەرێ ناساندنا پترییا فەرهەنگ و سروشتێ باژێرێ دهوكێ، یا ژ هەمیێ گرنگتر ئەگەر مە بڤێت ئەڤ قارەمانییە ب شێوەیەكێ هەرە باش برێڤە بچیت یا ل سەر هەر تاكەكێ وەرزشی پێدڤییە هەر ژ رۆژا بەرهەڤكرن ژ بۆ ڤێ قارەمانیێ دهێنە كرن خۆ بەرپرس بدانن ل دەستپێكێ تا دووماهیا ڤێ قارەمانیێ ل گەل كارگێری و ئیدارەیا یانەیا مەزن یانەیا دهۆك د هاریكاربین ژ بۆ هندێ باژێرێ خۆ ب دەولەمەندییا وەرزشی و ب باژێرێ وەرزشی بدەینە نیاسین، پێدڤیە هەر ئێك ژ مە بەر پرس بیت ژ ڤێ قارەمانیێ و پشتەڤانیێ ل تیما خۆ یا دهۆك بكەین، ژ بەركۆ ب راستی جهێ سەر بلندییەكا مەزنە ژ بۆ مە كۆ قارەمانییەكا هۆسا ل بااژێرێ مە بهێتە ئەنجامدان، هیڤیا ئەنجامەكێ باش و بدەستڤەئینانا قارەمانیێ بۆ یانەیا مەزن یانەیا دهۆك دخازین.
