ڕاهێنەرێ مسری یاری ب ڕاگەهاندنێ کر بۆ ڤەشارتنا «کۆمکوژیا تەکتیکی»
سەرکەفت ڕەشید
ڕاهێنەرێ هەلبژارتیێ مسرێ حسام حەسەن ب زیرەکیەکا مەزن شیا تێبلێن گۆنەھبارکرنێ ئاراستەیی دادڤانێ یاریێ بکەت، ب ڤێ چەندێ بالکێشا سەر بابەتەکێ دی دا کو وان شاشییێن هەرە مەزنێن وی بخۆ کرین به تەمامی بهێنە ڤەشارتن.
ئەوی مفا ژ سۆزداریا ڕاگەهاندنێ وەرگرت بۆ بەهانەیا دۆڕاندنا هەلبژارتیێ مسرێ، سەرەڕایی هندێ کو ئەو بخۆ ئەگەرێ سەرەکی و ڕاستەوخۆ یێ وێ دۆڕاندنێ بوو ل هەمبەر ئەرچەنتینێ و بەلگە لسەر ئەڤێ چەندێ د دو تەوەران دا بەحسکەین، یێ ئێکێ دێ بەحسی خالا وەرچەرخانەیێ کەین و خواندنا سكالۆنی و بێدەنگیا مسرێ کو د خولەکا ٧٠ێ دا، ڕاهێنەرێ ئەرجەنتینێ گوهۆڕینەکا تەکتیکی یا ئێکلاکەر ئەنجامدا کو ڕێڕەوێ یاریێ ب تەمامی گوهۆڕی، هەروەسا لڤینا مێسی: چوو لایێ ڕاستێ یێ هێرشبەریێ دا کو بەرگریکاران بخوڤەبکشینیت و جهان بهێلیتە ڤالا، ژلایەکێ دیڤە زێدەهییا هژماری: دەربرینا سێ لایەن (کریستیان ڕۆمێرۆ، لاوتارۆ مارتینێز و خۆلیان ئالڤارێز) بۆ ناڤ هێلا سزایی وەکۆ هێرشبەرێن سەرەکی، هەروەسا پێدڤیە پشتەڤانیا هێلێن پشتێ نە هێتە ژبیرکرن کو سپارتنا خوە ل سەر بالکێشانێن تێر و تژی ب پشتەڤانیا هێرشبەریا بەردەوام ژ لایێ ئینزۆ فێرناندێز و بەرگریکارێ لایێ چەپێ ڤە ئەگەرەکێ دی یێ ئەڤێ پلانا سکالونی بوو، دخالا دووماهییا ئەڤی تەوەری دا دێ کێماسیا تەکتیکی یا حسام حەسەن دیارکەین ل هەمبەر ڤی گڤاشتنێن هێرشبەریێن دژوار، دڤیابا هەر ئێکسەر و دەستبەجێ دەستێوەردان هاتبا کرن ب ئینانە خوارا بەرگریکارەکێ دی یێ ناڤەڕاستێ یان دو بەرەڤانا بۆ پاراستنا گولێ د دەهـ خولەکێن دووماهیێ دا، بەس نەبوونا چ کارڤەدانان، هێلا بەرگریا مسرێ هێلا بێ خودان و سست ما هەر وەکی وێ یا مە دیتی و بویە ئەگەر دوراندنێ.
تەوەرێ دویێ دێ کۆمکوژیا تەکتیکی دیارکەین ل دووڤ وەکهەڤبوونا خەلەتیا هەرە مەزن نەک بتنێ گۆلا وەکهەڤبوونێ بوو، بەلکۆ ئەوا ل دووڤ دا هاتیە ڕوودان؟ چونکی بەری پێنج خولەکان ژ دووماهی هاتنا دەمێ یاسایی یێ یاریێ کو کێم ما بوو یاری بچیتە دەمێن زێدەکری، بەلێ حسام حەسەنی خۆ کوشتنەکا تەکتیکی ئەنجامدا و پەستانا بلند یا بێ هژمار ل شوونا کو هێلا بەرگریێ موکم بکەت و پارێزگاریێ ل ئەنجامی بکەت دا بگەهنە دەمێن زێدەکری، لێ جهێ داخێ بوو کو ڕاهێنەری بڕیاردا پەستانەکا بلند (الچغگ العالی) بێخیتە سەر هەلبژارتیێ ئەرچەنتینێ و ئەڤە نە یا چاڤەرێکری بوو چونکی خاندنا سکالونی باشتر بوو، چونکی جهێن بەرفرەهـ ل پشت بەرەڤانان درۆست بوون کو تیما سکالونێ و مێسی مفایێ مەزن ژێ وەرگرت، ب ڤێ چەندێ گۆلا سێیێ لسەر هەلبژارتیێ مسرێ هاتە تومارکرن، کو خەونێن مسرییان ب ئێکجاری ژناڤبرن.
