ناهێلین پلانێن تورکیا ل سووریێ سەر بگرن
وەزیرێ بەرگریێ یێ ئسرائیلێ دیار کر، د رەوشا نها دا ناکۆکیێن گەلەک مەزن د ناڤبەرا ئسرائیلێ و تورکیا دا هەنە و تورکیا ب هەموو رەنگەکێ ل دژی بەرژەوەندیێن ئسرائیلێ کار دکەت و تورکیا بوویە مەترسی بۆ ئاسایشا ئسرائیلێ و نها تورکیا دڤێت ب رێیا دەستهەلاتا ئەحمەد شەرعی ئالۆزیان بۆ ئسرائیلێ دروست بکەت و ل هەمبەر دا ئسرائیل ژی یا پێدڤی بۆ پاراستنا خوە دکەت.
ئسرائیل کاتز ئەو یەک ژی دیار کر، تورکیا دڤێت سووریێ بکەتە مەیدانەک نوو دا ل وێرێ کار بۆ لاوازکرنا ئسرائیلێ بکەت، لێ هەموو پلانێن تورکیا ئاشکرا بووینە و ئسرائیلێ د دەمێن بۆری دا شیا گەلەک پیلانێن تورکیا ژناڤ ببەت و نها ژی تورکیا ب رێیێن جودا جودا کار دکەت دا دەستهەلاتا ئەحمەد شەرعی بهێز بکەت و ل دژی ئسرائیلێ بکار بینیت، لێ ئسرائیل رێ نادەت تشتەک وەسا روو بدەت و باشترە سووریێ خوە نەکەتە پشکەک ژ پیلانێن تورکیا.
