ئیرانێ داخوازا سیستەمێ بەرگریێ ژ چینێ کریە
بەرپرسەکێ وەزارەتا دەرڤە یا ئەمریکا بۆ ئاژانسا رویترز یا نووچەیان دیار کریە کو ئیرانێ چەندین جاران داخوازا سیستەمێ بەرگریێ یێ ئەسمانی ژ چینێ کریە و ل هەمبەر دا بەرهەڤە پارەیەک گەلەک زێدە ژی بدەتە چینێ و وەلاتێ چینێ هەتا نها ب ئەرێنی بەرسڤا ئیرانێ نەدایە، لێ د هەمان دەمی دا هەتا نها چینێ ب فەرمی داخوازا ئیرانێ رەت نەکریە.
هەمان بەرپرسی ئەو یەک ژی دیار کریە، ئیرانێ د ڤان دەمێن دووماهیێ دا هەم زانیاری و هەم ژی چەکێن پێشکەفتی ژ رۆسیا و چینێ وەرگرتیە و ژ بەر هندێ ژی شیا زیانێ بگەهینتە هندەک بنگەهێن ئەمریکا ل وەلاتێن عەرەبی، لێ هەتا نها ئیرانێ سیستەمێ بەرگریا ئەسمانی ژ چینێ وەرنەگرتیە و بزاڤەک مەزن دکەت دا چین وی سیستەمی بدەتە ئیرانێ، ئەمریکا و ئسرائیل ژی ژ نێزیکڤە دووڤچوونا رەوشێ دکەن.
