ب سەدان خێزانێن کورد دێ ڤەگەڕنە سەرێ کانیێ
لیژنا کۆچبەران یا سەر ب رێڤەبەریا خوەسەر یا رۆژئاڤایێ کوردستانێ دیار کر، د چارچۆڤەیێ رێککەفتنا وان ل گەل شامێ دا پشتی عەفرینێ نها دێ خێزانێن کورد ڤەگەرنە ڤە سەرێ کانیێ، چونکی بەری نها ژ بەر ئێرشێن گرۆپێن چەکدار یێن کو تورکیا پشتەڤانی ل وان دکر، ب سەدان خێزانێن کورد نەچار مابوون ژ سەرێ کانیێ دەرکەڤن و کۆچبەری حەسەکێ و دەڤەرێن دی ببوون و نها دێ کورد ڤەگەرنە ڤە مالێن خوە و ئەو یەک ژێ بێگومان پێشهاتەیەک گەلەک باشە.
رێڤەبەریا خوەسەر ئەو یک ژی دیار کریە، د پێنگاڤا ئێکێ دا ٥٠٠ خێزانێن کورد دێ ڤەگەرنە ڤە سەرێ کانیێ و گوندێن وێ و پاشی ژی قووناغ ب قووناغ هەموو خێزانێن کورد یێن کو بەری نها کۆچبەر بووینە دێ ڤەگەرنە ڤە مالێن خوە، بێگومان دەستهەلاتا نها یا شامێ ژی سۆز دایە یا پێدڤی بۆ ڤەگەرا کوردان بۆ مالێن وان بکەت، هەتا نها پرۆسە ب رەنگەکێ باش بەردەوام دکەت و وەکو رێڤەبەریا خوەسەر وان دڤێت هەتا دووماهیا ئەڤسالە هەموو کۆچبەرێن کورد ڤەگەرنە ڤە مالێن خوە و دەست ب ژیانا خوە یا ئاسایی بکەن.
